इम्रान खान यांनी पंतप्रधान मोदींचे केले अभिनंदन

    दिनांक :26-May-2019
इस्लामाबाद,
 
लोकसभा निवडणुकांमध्ये प्रचंड मोठा विजय मिळवत पुन्हा सत्तेत आलेल्या पंतप्रधान नरेंद्र मोदी यांचे  पाकिस्तानचे पंतप्रधान इम्रान खान यांनी अभिनंदन केले आहे. दोन्ही देश लोकांच्या भल्यासाठी मिळून काम करतील, अशी अपेक्षा खान यांनी व्यक्त केली. 'दोन्ही देशांत शांतता आणि समृद्धीसाठी हिंसामुक्त, दहशतवादमुक्त वातावरणाची खूप आवश्यकता आहे,' असं उत्तर मोदींनी दिले. पुलवामा हल्ला आणि त्यानंतर झालेल्या बालाकोट एअरस्ट्राइकनंतर दोन्ही देशाच्या पंतप्रधानांनी पहिल्यांदाच फोनवर चर्चा केली.
 
 

 
 
 
पाकिस्तानच्या परराष्ट्र मंत्रालयाचे प्रवक्ता मोहम्मद फैसल यांनी रविवारी ट्विट करून ही माहिती दिली. फैसल यांनी असेही लिहिलंय की, 'दक्षिण आशियात शांतता, विकास आणि समृद्धीसाठी इम्रान खान पंतप्रधान मोदींसोबत काम करण्यास इच्छुक आहेत.'