'बिग बॉस'च्या घरात पहिल्याच दिवशी वाद !

    दिनांक :27-May-2019
मुंबई,
 
'बिग बॉस' च्या नव्या सीझनमध्ये देखील भांडणं पाहायला मिळतील हे काही प्रेक्षकांसाठी नवं नाही. पण, रविवारी सुरु झालेल्या या सीझन २ मध्ये पहिल्याच दिवशी वादाची ठिणगी पडलेली पाहायला मिळालीय.
 
 

 
'बिग बॉस' २ मध्ये कोण स्पर्धक असतील या प्रश्नाचे उत्तर रविवारी प्रेक्षकांना मिळाले. कार्यक्रमाचे सूत्रसंचालक महेश मांजरेकर यांनी स्पर्धकांची ओळख करून दिल्यानंतर स्पर्धक घरात गेले. एकमेकांशी हळूहळू त्यांची ओळखही झाली आणि घरी एन्ट्री करून काही तास झालेले असतानाच घरात वादाची पहिली ठिणगी पडली. 'देवयानी' मालिकेमुळे घराघरात पोहोचलेली अभिनेत्री शिवानी सुर्वे आणि 'एमटीव्ही रोडीज'मधील मराठमोळा चेहरा शिव ठाकरे या दोघांत खटके उडाले. शिवने मस्करी करत अभिजीत बिचुकलेला शिवानीच्या नावाने चिडवल्यामुळे शिवानी भडकली. 'घरात असे चिडवाचिडवीचे प्रकार बंद कर' असं तिनं शिवला सुनावलं...शेवटी घरच्यांनी मध्यस्ती केल्यानंतर शिवने तिची माफी मागितली.
'बिग बॉस'च्या घरात शिवानी आणि शिवमध्ये रंगलेल्या या शाब्दिक चकमकीमुळे हा सीझन अधिकच मनोरंजक असणार आहे अशी चर्चा रंगायला सुरुवात झाली आहे.