विमान नदीत कोसळले , प्रवासी सुखरूप
   दिनांक :04-May-2019
फ्लोरिडामधील जॅक्सनविलेच्या सेंट जॉन नदीत शुक्रवारी बोइंग 737 प्रवासी विमान कोसळलं. विमानातील सर्व प्रवासी सुखरुप असल्याची माहिती स्थानिक प्रशासनाने दिली आहे. 
 

 
जॅक्सनविले येथील विमानतळावर विमान उतरत असताना धावपट्टीच्या शेवटच्या भागात असलेल्या सेंट जॉन्स नदीत कोसळले. या विमानात १३३ प्रवासी आणि ७ क्रू कर्मचारी होते. विमान नदीतील खोल पाण्यात न कोसळल्यामुळे मोठा अपघात टळला असल्याची चर्चा आहे. स्थानिक यंत्रणांकडून मदत आणि बचाव कार्य त्वरीत सुरू करण्यात आले. जॅक्सनविले शहराचे महापौर आणि नगरपाल यांनी या अपघाताची माहिती ट्विटरद्वारे दिली. विमानातील सर्व प्रवासी सुखरुप असल्याची माहिती त्यांनी दिली.
 
 
 
अपघातग्रस्त विमान मायामी एअर इंटरनॅशनलचे असल्याची प्राथमिक माहिती आहे. या कंपनीच्या ताफ्यात बोईंग ७३७-८०० ही विमाने आहेत. या अपघाताची माहिती मिळाली असून अधिक माहिती घेण्यात येत असल्याची प्रतिक्रिया बोईंगच्या प्रवक्त्यांनी दिली.