बिग बॉसच्या घरात भरणार सदस्यांची शाळा

    दिनांक :11-Jun-2019
मुंबई:
बिग बॉस दर आठवड्याला घरातील सदस्यांना नवनवीन टास्क देतात. त्यामुळे बिग बॉस नेमका कुठला टास्क सोपवणार याची उत्सुकता नेहमी सदस्यांमध्येही असते. या आठवड्यामध्ये बिग बॉस घरातील सदस्यांवर शाळा सुटली पाटी फुटली हे साप्ताहिक कार्य सोपवणार आहेत.
 
 
 
जून महिना नुकताच सुरु झाला आहे... शाळेच्या पहिल्या दिवसाची उत्सुकता आपल्या सगळ्यांनाच असते... त्याच जुन्या आठवणींना आणि आपल्यात दडलेल्या लहान मुलाला, निरागसतेला उजाळा देण्यासाठी बिग बॉस हे कार्य घरातील सदस्यांवर सोपावणार आहेत... ज्यामध्ये एका टीम मधील सदस्य विद्यार्थी तर दुसऱ्या टीम मधील सदस्य शिक्षकाच्या भूमिकेत दिसणार आहेत... प्रत्येक शिक्षकाला नेमून दिलेला विषय त्यांनी त्यांच्या पद्धतीने शिकवणे अपेक्षित आहे... ज्यामध्ये सुरेखा पुणेकर यांनी नृत्यकला, विणा जगताप हीने वाद विवाद शास्त्र आणि शिवने मराठी हे विषय विद्यार्थ्यांना शिकवायचे आहेत.
बिग बॉसच्या या टास्कमध्ये अनेक सदस्य एकमेकांवर टीका करताना आणि भांडतानादेखील पाहायला मिळणार आहेत. त्यामुळे, बिग बॉसचं हे नवं साप्ताहिक कार्य उत्तमरित्या कोण पार पाडेल हे पाहणं महत्त्वाचं ठरणार आहे.