ब्रायन लाराने केली ताडोबा सफारी

    दिनांक :12-Jun-2019
वेस्ट इंडिजचा महान फलंदाज ब्रायन लाराने बुधवारी ताडोबा व्याघ्र प्रकल्पाला भेट दिली. सकाळी आणि संध्याकाळी केलेल्या दोन सफारींमध्ये त्याला ताडोबातील वाघांसह अस्वल तसेच इतर प्राणी आणि पक्ष्यांचे दर्शन झाल्याची माहिती आहे.
 
 
क्रिकेट विश्वचषक स्पर्धेशी संबंधित कार्यक्रमांकरिता लारा सध्या मुंबई येथे आला आहे. माजी भारतीय कसोटीपटू अनिल कुंबळे याने लाराला ताडोबा व्याघ्र प्रकल्पात सफारीसाठी जाण्याचा सल्ला दिला होता. मंगळवारी सायंकाळी लारा ताडोब्यात पोहोचला. बुधवारी सकाळी आणि सायंकाळी अशा दोन सफारी त्याने केल्याची माहिती आहे. या दरम्यान, सफारीकरिता आलेल्या इतर पर्यटकांनी त्याच्यासह छायाचित्रेही काढून घेतली.