तर... मुख्यमंत्र्यास ठोकले असते ; नाना पटोले बरळले

    दिनांक :16-Jun-2019
गडचिरोली: गडचिरोली येथे एक मे ला नक्षलवादी हल्ल्यात १५ जवान शहीद झाले यावेळी शहिदांच्या अपमान करणाऱ्या मुख्यमंत्र्यास मी असतो तर ठोकले असते असे वाचाळ विधान करणाऱ्या काँग्रेसच्या नाना पटोले यांचा तीव्र निषेध करीत असल्याचे भाजपाचे जिल्हा उपाध्यक्ष व माजी जि. प.सदस्य राजेश बान्ते यांनी प्रसिद्ध केलेल्या पत्रकातुन केले आहे .
 
 
 
गडचिरोली येथे नक्षलवादी हल्ल्यात शहीद झालेल्या जवानांचे बाँबस्फोटात शरिराचे तुकडे तुकडे झाले त्यात त्यांच्या शरीराचे तुकडे पॉलिथिन मध्ये गोळा करून त्यांच्या कुटुंबीयास पाठविण्यात आले .शहीदांचे शव आणण्यासाठी शव पेट्या उपलब्ध करण्यात आल्या नाहीत. मुख्यमंत्री देवेंद्र फडणवीस घटनास्थळी न जाता तसेच गडचिरोली येथील पोलीस मुख्यालयात शहिदांना श्रद्धांजली अर्पण न करता निघून गेले शहिदाच्या प्रेताचे तुकडे पॉलिथिन मध्ये गुंडाळून त्यांच्या परिवाराला दिले हे पाहून मी असतो तर मुख्यमंत्र्याला ठोकले असते अशा उर्मट शब्दात काँग्रेसचे नाना पटोले भंडारा जिल्हा काँग्रेसच्या सुकळी येथील बैठकीत बोलले.
प्रत्यक्षात गडचिरोली येथे झालेल्या हल्ल्यातील शहिदांना मुख्यमंत्र्यांनी मानवंदना देऊन त्यानंतर शहिदांची शवपेटी मुख्यालयातून शहिदांच्या कुटुंबियांच्या राहत्या घरी शासकीय यंत्रणेद्वारे पाठविण्यात आले १५ शहीद जवानांच्या शासकीय इतमामात अंत्यसंस्कार करण्यात आले .शहिदांच्या कुटुंबीयांना आर्थिक मदत देण्याची घोषणा शासनाने केली व ताबडतोब काही लाख रुपये शहिदांच्या कुटुंबियांना देण्यात आले .साकोली विधानसभा क्षेत्रातील तीन जवान या नक्षलवादी हल्ल्यात शहीद झालेले असताना शहिदांप्रती व त्यांच्या कुटुंबीयांप्रती संवेदना दाखविण्यासाठी वेळ मिळाला नाही. निवडणूक प्रचाराला सोडून नाना पटोले साकोली विधानसभा क्षेत्रातील या शहिदांच्या अंत्यसंस्काराला हजर राहू शकले नाही याच विधानसभा क्षेत्राने नाना पटोले यांना मोठे केले आणि आता त्यांचा अहंकार वाढीस लागल्याने नागपूर लोकसभेच्या आखाड्यात उतरले होते मात्र नागपूरकरांनी नितीन गडकरींच्या विकास कामांना साथ दिली.  नाना पटोलेला पराभूत करून साकोलीची पार्सल सुकळीला परत पाठविले.  नाना पटोलेंचा खोटारडेपणा व कोणतेही विकासाचे कामे न करता स्वतःला भूमिपुत्र संबोधणारे गोड गोड बोलणारे आता जनतेसमोर अडचणीत येत असल्याने ते विचलित झाले आहेत. असा आरोप भाजपाचे जिल्हा उपाध्यक्ष व माजी जि .प. सदस्य राजेश बान्ते यांनी पत्रकातून केला आहे.