कंगनाचे कारण जोहरवर टीकास्त्र

    दिनांक :16-Jun-2019
अभिनयासोबतच आपल्या वादग्रस्त वक्तव्यामुळे चर्चेत असलेली अभिनेत्री कंगना राणौतने पुन्हा एकदा थेट निर्माता-दिग्दर्शक करण जोहरवर टीकास्त्र सोडले आहे. करण जोहरची गँग माझ्याविरोधात षडयंत्र करत असल्याचे वक्तव्य कंगनाने केले आहे. आधीदेखील कंगना राणौतने करण जोहरवर घराणेशाहीला प्रोत्साहन देत असल्याचा आरोप केला होता. करण जोहर फक्त स्टार किड्सला प्रोत्साहन देत त्यांना चित्रपटात काम देत असल्याचे तिने म्हटले होते. कंगनाचा मणिकर्णिका: द क्वीन ऑफ झांसी या चित्रपटातही वाद झाला होता. काही कलाकारांनी हा चित्रपट अर्ध्यावर सोडून दिला होता. इतकंच नव्हे तर चित्रपटाच्या दिग्दर्शनाची जवाबदारी कंगनाने स्वत: सांभाळली होती.

 
 
मिष्टी चक्रवर्ती आणि सोनू सूद यांनी केलेले वक्तव्य आणि कंगनाच्या 'लकडी के घोडे' या वायरल व्हिडिओबाबत तिला छेडले असता तिने हे सगळे 'नेपोटिजम गॅंग' षडयंत्र करत असल्याचा दावा तिने केला. माझ्या चित्रपटाची कमाई अर्धी दाखवण्यासाठी काही ट्रेड एक्सपर्ट्सवर दबाब आणण्यात आला होता असा आरोपही कंगनाने केला. करण जोहर आणि त्याच्या गँगने चित्रपट समीक्षकांना पैसे देऊन माझ्या विरोधात मोहीम चालवली असल्याचा आरोप कंगनाने केला आहे.