संजय दत्त करणार मराठीत पदार्पण

    दिनांक :18-Jun-2019
मुंबई,
अभिनेता संजय दत्त मराठी चित्रपट निर्मितीत पदार्पण करतो आहे. 'बाबा' हा त्याचा पहिला मराठी चित्रपट लवकरच प्रेक्षकांच्या भेटीला येणार आहे. हा चित्रपट संजय दत्तने त्याचे वडील सुनील दत्त यांना समर्पित केला आहे.

 
संजय एस. दत्त प्रोडक्शन्स आणि ब्ल्यू मस्टँग क्रिएशन्स निर्मित ‘बाबा’ हा चित्रपट २ ऑगस्टला प्रदर्शित होणार आहे.या चित्रपटाचे दिग्दर्शन राज आर. गुप्ता यांनी केले असून संजयने चित्रपटाचे पहिले हलते पोस्टर देखील प्रदर्शित केलं आहे. या पोस्टरमध्ये एक लहान मुलगा त्याच्या वडिलांच्या मागे सायकलवर बसलेला दिसतो आहे. मनिष सिंघ यांनी या चित्रपटाचे कथानक लिहिलं आहे.
 
 
‘आयुष्यभर माझ्या पाठीशी खंबीरपणे उभ्या राहणाऱ्या माझ्या वडिलांना हा चित्रपट समर्पित. लव्ह यू बाबा,’ असं ट्विट संजय दत्तने केलं आहे केलं आहे. भावनेला भाषा नसते अशी या चित्रपटाची टॅगलाईन आहे. पिता-पुत्राच्या नात्यावर हा चित्रपट बेतलेला असेल असा अंदाज वर्तवला जातो आहे. या चित्रपटात काम करणाऱ्या कलाकारांची नावं मात्र अजूनही जाहीर करण्यात आलेली नाहीत.