अमेरिकेचे इराणशी वैर महागात पडू शकते - पुतीन

    दिनांक :21-Jun-2019
मॉस्को: इराणने अमेरिकेचे ड्रोन गुरुवारी पाडल्याप्रकरणी रशियाने सावध प्रतिक्रिया दिली आहे. रशियाचे अध्यक्ष व्लादिमीर पुतिन यांनी, अमेरिकेने इराणविरोधात सैनिकी कारवाई केल्यास ते तेहरानला महागात पडेल, असा इशाराच दिला आहे. यामुळे वॉशिंग्टन आणि तेहरान यांच्यात तणाव वाढतच जाईल, अशी भीतीही पुतिन यांनी व्यक्त केली आहे.
 
 
रशियन प्रेक्षकांनी टेलिव्हिजनवर विचारलेल्या प्रश्नांना उत्तरे देताना पुतिन म्हणाले, 'अमेरिकेने सैन्याचा वापर करण्याचे सूतोवाच केले आहे. यामुळे तणाव वाढेल आणि अनेकजण निर्वासित होतील. त्याचप्रमाणे वाढत्या घुसखोरीला आळा घालणे कठीण होऊन बसेल.'