दयाबेननं हे ठेवलं मुलीचं नाव

    दिनांक :21-Jun-2019
'तारक मेहता का उल्टा चश्मा' फेम दयाबेन अर्थात दिशा वकानी सध्या मालिकेपासून लांब आहे ते तिच्या मुलीमुळे. तिच्या मुलीचं नाव काय ठेवलं अशी उत्सुकता तिच्या चाहत्यांना होती. दिशानं तिच्या मुलीचं नाव स्तुती ठेवलं आहे. अलीकडेच तिनं स्तुतीचा एक गोड सोशल मीडियावर शेअर केला आहे.

 
 
दिशानं ३० नोव्हेंबर २०१७ ला मुंबईत या गोड परीला जन्म दिला. दिशाची मुलगी कशी दिसते हे पाहण्याची उत्सुकता तिच्या चाहत्यांना होती. दिशानं तिच्या इन्स्टाग्राम अकाउंटवर स्तुतीचा फोटो शेअर केला आहे. दिशाच्या चाहत्यांनी हा फोटो पाहून स्तुतीचं कौतुक केलंय आणि 'तिचं असे वेगेवेगळे फोटो आमच्यासोबत शेअर करत राहा' अशी विनंतीही केली आहे.
दरम्यान, दिशा शोमध्ये पुन्हा दिसणार की नाही या मुद्द्यावरून वेगवेगळे तर्क-वितर्क लावले जात आहेत. मध्यंतरी प्रसूती रजेनंतर दिशानं काही अटी निर्मितीसंस्थेसमोर ठेवल्या होत्या, पण त्यावर काही तोडगा निघाला नव्हता, त्यामुळे दयाबेन हे पात्र सध्या मालिकेत दिसत नाहीय. पण दिशानं नुकतंच याच मालिकेच्या निर्मात्यांशी संपर्क साधल्याचं कळतंय. दिशा मालिकेत पुन्हा येणार असल्याची चर्चा रंगल्यामुळे चाहते तिला पुन्हा एकदा दया बेनच्या रुपात पाहण्यासाठी आतुर झाले आहेत.