आणखी चार आमदार भाजपाच्या वाटेवर

    दिनांक :07-Jun-2019
 
 

  
 
 
पणजी : काँग्रेसला लागलेली उतरती कळा सध्या तरी थांबायचे चिन्ह दिसत नाहीत.  तेलंगणामध्ये १२ काँग्रेस आमदारांनी टीआरएसमध्ये प्रवेश केल्यानंतर आता गोव्यातही काँग्रेसला धक्का बसण्याची चिन्ह आहेत. गोव्यातील काँग्रेसचे चार आमदार भाजपाच्या वाटेवर आहेत. काँग्रेस पक्षाचे कुंकळी मतदारसंघाचे आमदार क्लाफासियो डायस यांनी ही माहिती दिली आहे. विकासकामे आणि बेरोजगारांना नोकऱ्या देवू शकत नसल्यामुळे समर्थकांनी पाठिंबा दिल्यास आपण देखील भाजपमध्ये प्रवेश करण्यास तयार असल्याचं डायस यांनी म्हटलं आहे. काँग्रेस आमदार डायस यांच्या विधानानंतर गोवा काँग्रेसमध्ये खळबळ उडाली आहे. लोकसभा निवडणुकीत भाजपला स्पष्ट बहुमत मिळाल्यानंतर काँग्रेससह विरोधकांमध्ये ही निराशा पसरली आहे. काँग्रेसची नीती ही लोकांच्या पंसतीस पडत नाही आहे. गोव्याच्या जनते समोर देखील काँग्रेसला आपलं मत मांडू शकली नाही. त्यामुळे पक्ष सोडल्या शिवाय पर्याय नसल्याचे काँग्रेस आमदारांचे म्हणणे आहे.