मालदीवच्या सर्वोच्च सन्मानाने पंतप्रधान मोदींचा गौरव

    दिनांक :08-Jun-2019
मालदीव: मालदीवच्या 'निशान इज्जुद्दीन' या सर्वोच्च सन्मानाने पंतप्रधान नरेंद्र मोदी यांना गौरविण्यात आले आहे. मालदीवचे राष्ट्राध्यक्ष मोहम्मद सोलीह यांनी मोदींना हा सन्मान बहाल केला.

 
 
हा सन्मान स्वीकारताना आपणास खूप आनंद होत असल्याची भावना मोदींनी यावेळी व्यक्त केली. 'भारत कोणत्याही परिस्थितीत, प्रत्येक संकटात मालदीवसोबत असेल. दोन्ही देशांच्या नागरिकांना विकास आणि स्थिरता हवी आहे. मालदीवमध्ये विकासाचे नवे मार्ग खुले झाले आहेत. आपल्या द्विपक्षी सहकार्यामुळे भावी दिशा ठरेल. दोन्ही देशाच्या लोकांचा संपर्क वाढविण्यासाठी आम्ही दोन्ही देशांदरम्यान जलवाहतूक सुरू करण्यासंबंधी परस्पर सहमती जाहीर केली आहे,' असेही मोदी यावेळी म्हणाले. पंतप्रधान मोदींना मिळालेल्या या सन्मानाने भारताच्या नावलौकिकतेत आणखी एक भर पडली आहे.