बिग बॉस : कोणीही नॉमिनेट होणार नाही

    दिनांक :11-Jul-2019
मुंबई,
आज बिग बॉसच्या घरामध्ये नॉमिनेशन टास्क रंगला. ज्यामध्ये समोरच्या स्पर्धकाचे तिकीट मिळवून सेफ होण्याचा प्रयत्न करण्यात आला. दरम्यान, घरातील सदस्यांना बिग बॉस खडसावतात. घरातील सदस्यांना घरात राहण्याची इच्छा नाही असं वाटतंय. तुम्ही प्रेक्षकांना गृहीत धरू नका असंही बिग बॉस घरातील सदस्यांना सांगतात.
 
 
पहिली जोडी वीणा आणि नेहा होती. दोघीही एकमेकींना तिकीट देत नाहीत त्यामुळे दोघीही नॉमिनेट होतात. दुसरी जोडी शिव आणि हीनाची होती. हीना शिवला तिकीट देते त्यामुळे शिव सेफ होतो. हीना नॉमीनेट होते.
तिसरी जोडी वैशाली आणि किशोरी होती. दोघीही तिकीट देत नाहीत त्यामुळे दोघीही नॉमिनेट होतात. चौथी जोडी रुपाली आणि माधवची होती. दोघेही तिकीट देत नाहीत.त्यामुळे दोघेही नॉमिनेट होतात. या आठवड्यात व्होटिंग लाईन्स बंद असल्यामुळे कोणीही बाहेर जाणार नाही.