SBI ने रद्द केले NEFT, RTGS व्यवहारांवरील शुल्क

    दिनांक :12-Jul-2019
नवी दिल्ली,
रिझर्व्ह बँकेने NEFT आणि RTGS व्यवहारांवरील शुल्क रद्द केल्यानंतर देशातली सर्वात मोठी बँक असलेल्या भारतीय स्टेट बँकेनेही या सेवांवरील शुल्क रद्द केले आहे. बँकेने दिलेल्या जाहिरातीनुसार, १ जुलै २०१९ पासून योनो अॅप, इंटरनेट बँकिंग तसेच मोबाइल बँकिंगद्वारे केलेल्या NEFT आणि RTGS व्यवहारांवर कोणतेही शुल्क आकारण्यात येणार नाही. यानंतर बँक १ ऑगस्ट २०१९ पासून IMPS सेवेसाठी आकारण्यात येणारे शुल्कही रद्द करणार आहे.
 
 
स्टेट बँक ऑफ इंडियाचे व्यवस्थापकीय संचालक (रिटेल आणि डिजीटल बँकिंग) पी. के. गुप्ता म्हणाले, 'ग्राहकांना सेवा देणे आणि त्यांना डिजीटल फंड ट्रान्सफर व्यवहारांसाठी प्रोत्साहित करण्यासाठी आम्ही विशेष प्रयत्न करत आहोत. केंद्र सरकारचं डिजीटल अर्थव्यवस्थेचं स्वप्न साकार करण्यासाठी एसबीआयने हे पाऊल उचलले आहे.'
एसबीआयने बँक शाखेतून व्यवहार करणाऱ्या ग्राहकांसाठी एनईएफटी आणि आरटीजीएस व्यवहारांवरील शुल्कात २० टक्के कपात केली आहे. आयएमपीएसद्वारे फंड ट्रान्सफर करताना एक हजार रुपयांपर्यंतच्या रकमेसाठी कोणतंही शुल्क आकारण्यात येणार नाही.