बिग बॉसच्या घरात रविवारी शिवानी सुर्वेची एन्ट्री

    दिनांक :12-Jul-2019
बिग बॉसच्या घरातून बाहेर काढण्यात आलेली स्पर्धक अभिनेत्री शिवानी सुर्वेची पुन्हा एकदा एन्ट्री होणार आहे. या आठवड्यात विक एन्डच्या डावात रविवारी शिवानी सुर्वे बिग बॉसच्या घरात दिसणार आहे.
 
 
प्रकृतीच्या कारणास्तव आपल्याला घरातून बाहेर काढावे अशी मागणी शिवाजी सुर्वेने बिग बॉसकडे केली होती. त्यासाठी कायदेशीर मार्ग अवलंबण्याची धमकी तिने दिली होती. बिग बॉसनेही यावर तिला चांगलेच सुनावले होते. अखेर काही दिवसांनंतर तिला घरातून बाहेर काढण्यात आले. त्यानंतर शिवानीने दिलेल्या मुलाखतीमध्ये बिग बॉसच्या घरात पु्न्हा जाण्यासाठी इच्छा व्यक्त केली होती. सूत्रांनी दिलेल्या माहितीनुसार शिवानीने घरात पु्न्हा प्रवेश मिळावा यासाठी बिग बॉसच्या टीमकडे शिवानीने विनंती केली होती. मात्र, शिवानीची ही एंट्री स्पर्धक म्हणून नाही तर पाहुणी म्हणून असणार आहे. मात्र, शिवानीची एंट्री ही घरात होणार की फक्त महेश मांजरेकर यांच्यासोबत विक एन्डचा डावच्या रविवारच्या भागासाठी असणार, हे अद्याप स्पष्ट नाही. शिवानीची एंट्री घरात जरी झाली तरी ती फार कमी दिवसासाठी तिची एंट्री असणार असल्याची माहिती सूत्रांनी दिली.
बिग बॉस मराठी २ च्या सीझनमधून शिवानी सुर्वे, अभिजीत बिचुकले आणि पराग कान्हेरे हे तिन्ही स्पर्धक वेगवेगळ्या कारणास्तव घराबाहेर पडले आहेत.