शिवानीची एन्ट्री ठरतेय हिट

    दिनांक :15-Jul-2019
मुंबई,
शिवानी सुर्वेनं मागच्या आठवड्यात बिग बॉसच्या घरात दणक्यात पुनरागमन केलंय. ती या घरात स्पर्धक म्हणून नाही तर पाहुणी म्हणून परतली आहे. त्यामुळं ती काही दिवसंच घरात राहणार असल्याचं बोललं जात आहे. सोशल मीडियावर मात्र शिवानीचं स्वागत करण्यात येतं आहे.
 
 
शिवानीनं मागच्या आठवड्यात घरात एन्ट्री केली. शिवानीची एन्ट्री ही घरातील सदस्यांसाठी सुखद आश्चर्याचा धक्का होता. तर, सोशल मीडियावर देखील शिवानीच्या चाहत्यांनी तिचं स्वागत केलं आहे. तिच्यामुळं पुन्हा एकदा बिग बॉसच्या घरातील समीकरणं बदलली आहेत. नेहा आणि तिच्या मैत्रीमुळं नेहा पुन्हा एकदा वरचढ ठरणार अशी भीती इतर सदस्यांना वाटतेय. तर, नेटकरीही शिवानीमुळं खेळात रंगत येणार असल्याचं म्हणतायत.
प्रकृतीच्या कारणास्तव आपल्याला घरातून बाहेर काढावे अशी मागणी शिवानी सुर्वेने बिग बॉसकडे केली होती. त्यासाठी कायदेशीर मार्ग अवलंबण्याची धमकी तिने दिली होती. बिग बॉसनेही यावर तिला चांगलेच सुनावले होते. अखेर काही दिवसांनंतर तिला घरातून बाहेर काढण्यात आलं होतं.