'दबंग ३'मध्ये दिसणार मांजरेकरांची लेक

    दिनांक :16-Jul-2019
अभिनेता सलमानला बॉलिवूडमध्ये गॉडफादर म्हटलं जातं. त्यानं आत्तापर्यंत अनेक नवोदित कलाकारांना बॉलिवूडमध्ये लाँच केलं आहे. 'दबंग' चित्रपटातून सोनाक्षी सिन्हाला बॉलिवूडमध्ये लाँच केलं होतं. आता तो अभिनेता- दिग्दर्शक महेश मांजरेकर यांची मुलगी सईला लाँच करणार असल्याची चर्चा आहे. सलमानच्या 'दबंग ३' चित्रपटातून बॉलिवूडमध्ये एन्ट्री करणार आहे.
 
 
सुत्रांनी दिलेल्या माहितीनुसार, 'दबंग ३' मध्ये सई सलमानच्या प्रेयसीची भूमिका साकारणार आहे. चित्रपटातील प्रीक्वलमध्ये ती दिसणार आहे. सई आणि सलमानच्या काही दृश्यांचे चित्रीकरण देखील पूर्ण झालं आहे. तर, दोघांवर एक गाणंदेखील चित्रीत केलं आहे. 'दबंग ३'च्या माध्यमातून दाक्षिणात्य स्टार सुदीप बॉलिवूडमध्ये पदार्पण करत आहे. चित्रपटात तो खलनायकाच्या भूमिकेत दिसणार आहे. दिग्दर्शक प्रभुदेवाचा हा चित्रपट नाताळमध्ये प्रदर्शित होणार आहे.