मुस्लिमांचे लातूरमध्ये धरणे आंदोलन

    दिनांक :02-Jul-2019
लातूर : काही दिवसांपूर्वी झारखंडमध्ये जय श्रीराम आणि जय हनुमान अशा घोषणा देण्यासाठी तबरेज अन्सारी या तरुणाला मारहाण करून त्याचा बळी घेतला होता. देशातील मुस्लिम तरुणांवर 'मॉब लिचिंग'च्या माध्यमातून होणारे वाढते हल्ले तात्काळ रोखवेत या मागणीसाठी लातूरमधील मुस्लिम आज रस्त्यावर उतरले.अशा पध्दतीने २० हून अधिक मुस्लिम तरुणांचा 'मॉब लिचिंग'मध्ये बळी गेला आहे. याच्या निषेधार्थ लातूरच्या गांधी चौकात मुस्लिम नागरिकांनी निदर्शने केली.



शुक्रवारची नमाज करून या नागरिकांनी शांततेच्या मार्गाने निदर्शने केली. तसेच मुस्लिम समाजासाठी अट्रोसिटीचे कवच सरकारने देण्याची मागणी यावेळी प्रमुख आंदोलक मोहसीन खान यांनी केली. निर्दोष मुस्लिम समाजातील नागरिकांवर होत असलेले हल्ले तात्काळ रोखावेत तसेच मुस्लिम अट्रोसिटीचे कवच द्यावे अशीही मागणी यावेळी मुस्लिम धर्मियांनी केली.