‘साधा-सरळ मुलगा हवा’- सोनाक्षी

    दिनांक :22-Jul-2019
चित्रपटांमध्ये व्यग्र असली, तरी अभिनेत्री सोनाक्षी सिन्हा मध्यंतरी तिच्या लग्नाच्या अफवेनं वैतागली होती. ती लग्न करणार असल्याची चर्चा बॉलिवूड वर्तुळात सुरू होती.
 
 
 
तिला सातत्यानं त्याबद्दल प्रश्नही विचारले जात होते. सोनाक्षीनं नुकतंच त्यावर भाष्य केलं. ती म्हणाली, ‘ही चर्चा सुरूच आहे, तर मला एवढं सांगायला नक्की आवडेल, की माझ्या पालकांना अतिशय साधा-सरळ मुलगा माझ्यासाठी नवरा म्हणून हवा आहे. मात्र, बॉलिवूडमध्ये असा मुलगा मिळणं कठीण आहे. मी एका सेलिब्रेटीला डेट केलं आहे आणि त्याबद्दल कुणालाच काही माहिती नाही. माझ्या बॉयफ्रेंडनं कधी माझी फसवणूक केलीच, तर पुढचा दिवस पाहण्यासाठी तो या जगात नसेल, असं मी खात्रीनं सांगू शकते.’ सोनाक्षी सध्या शिल्पी दासगुप्ता दिग्दर्शित ‘खानदानी शफाखाना’ या चित्रपटाच्या प्रमोशनमध्ये व्यग्र आहे.