झायराच्या चित्रपटाचा पहिला लूक व्हायरल

    दिनांक :24-Jul-2019
मुंबई,
प्रियांका चोप्राचा कमबॅक चित्रपट म्हणून चर्चेत असलेला 'द स्काय इज पिंक' चित्रपटाचा पहिला लूक समोर आला आहे. विशेष म्हणजे, १३ सप्टेंबरला टोरंटो आंतरराष्ट्रीय चित्रपट महोत्सवामध्ये चित्रपटाचा वर्ल्ड प्रमियर पार पडणार आहे.
 
 
मोटिव्हेशनल स्पीकर आयशा चौधरी यांच्या जीवनावर आधारित हा चित्रपट आहे. आयशा चौधरी पल्मनरी फायबरोसिस या आजारानं त्रस्त होत्या. या चित्रपटाकडं जसं प्रियांकाचा कमबॅक म्हणून पाहिलं जातं. तसंच, झायरा वसीमचा शेवटचा चित्रपट म्हणूनही या चित्रपटाची चर्चा आहे. झायरा वसीमने बॉलिवूडला अलविदा करण्याचा निर्णय घेतला आहे. त्यामुळं ती चित्रपटाचं प्रमोशन तरी करणार का? हे अजूनही गुलदस्त्यात आहे.
प्रियांका चोप्रा आणि झायरा वसीम बरोबरच फरहान आख्तर आणि रोहित शरफ मुख्य भूमिकेत आहे. तर, शोनाली बोस यांनी चित्रपटाचं दिग्दर्शन केलं आहे. ११ ऑक्टोबरला हा चित्रपट सिनेमागृहात प्रदर्शित होत आहे. चित्रपटाच्या चित्रीकरणाला ऑगस्ट २०१८मध्ये सुरुवात झाली होती.