वरुणच्या 'कुली नंबर १' चे पोस्टर प्रदर्शित

    दिनांक :11-Aug-2019
मुंबई,
गोविंदाचा 'कुली नंबर १' आता पुन्हा येतोय. मात्र, यावेळी नव्या रुपात आणि नवे कलाकार चित्रपटात दिसणार आहेत. नुकतंच 'कुली नंबर १'चं टीजर पोस्टर लाँच झाले. १ मे २०२०मध्ये हा चित्रपट प्रेक्षकांच्या भेटीला येत आहे. 

 
 
पोस्टरमध्ये कुलीच्या वेषातील तरुणाच्या हातात खुप साऱ्या सुटकेस आहेत व या सुटकेस सांभाळताना तारेवरची कसरत करताना तो दिसत आहे. पोस्टरमध्ये तरुणाचा चेहरा मात्र दिसत नाहीये. त्यामुळे पोस्टरमध्ये वरुण धवन आहे की अन्य अभिनेता हे स्पष्ट होत नाहीये.
 
 
 
चित्रपटाच्या शुटिंगला बँकॉकमध्ये सुरुवात झाली आहे. काही दिवसांपूर्वी चित्रपटाच्या सेटवरील सारा अली खान आणि वरुण धवनचे फोटो सोशल मीडियावर व्हायरल झाले होते. १९९५मध्ये प्रदर्शित झालेल्या 'कुली नंबर १' चित्रपटाचा रिमेक आहे.