इंदिरा गांधींवर वेब सिरीज येणार

    दिनांक :21-Aug-2019
मुंबई,
'द लंच बॉक्स' आणि 'फोटोग्राफ' मुळे चर्चेत आलेले रितेश बत्रा आता माजी पंतप्रधान इंदिरा गांधी यांच्या जीवनावर आधारित वेब सिरीजचे दिग्दर्शन करणार आहेत. राष्ट्रीय पुरस्कार विजेती अभिनेत्री विद्या बालन या वेब सिरीजमध्ये इंदिरा गांधी यांच्या भूमिकेत दिसणार आहे.
 
 
 
 
लेखिका सागरिका घोष यांच्या 'इंदिरा : इंडियाज मोस्ट पॉवरफुल प्राईम मिनिस्टर' या पुस्तकावर ही वेब सिरीज आधारित असणार आहे. या वेब सिरीजच्या निर्मितीसाठी या पुस्तकाचे हक्क विद्या बालननं विकत घेतले आहेत. विद्याची ही पहिलीच वेब सिरीज असणार आहे.
याबाबत अधिक माहिती देताना विद्या म्हणाली की, ' ही माझी पहिली वेब सिरीज असणार आहे. रॉनी स्क्रूवाला याची निर्मिती करत आहेत. सध्या आम्ही सगळेच या पुस्तकाचा आणि विषयाचा अभ्यास करत आहोत. वेगवेगळ्या प्रसंगांची माहिती मिळवत आहोत. हे काम प्रचंड मेहनतीचं आहे. त्यामुळे याला वेळ लागतोय.'