'साहो' १०० कोटी क्लबमध्ये

    दिनांक :06-Sep-2019
 

 
 
'बाहुबली'च्या छप्परफाड यशानंतरचा प्रभासचा पहिला सिनेमा असल्यानं 'साहो' बद्दल प्रचंड उत्सुकता होती. गेल्या वर्षभरापासूनच विविध माध्यमांतून या चित्रपटाची प्रसिद्धी केली जात होती. प्रभास आणि श्रद्धाच्या केमिस्ट्रीचीही जोरदार चर्चा होती. तब्बल ३५० कोटी रुपये खर्चून बनवलेला हा सिनेमा ३० ऑगस्टला चित्रपटगृहांमध्ये झळकला. मात्र, कथेचा मागमूस नसलेल्या या सिनेमाला समीक्षकांनी झोडपून काढलं होतं. असं असलं तरी चित्रपटानं १०० कोटींचा टप्पा ओलांडला आहे.