प्रदर्शनापूर्वीच 'छपाक' अडचणीत

    दिनांक :04-Jan-2020
मुंबई,
प्रदर्शित होण्याआधी दीपिका पाडुकोणचा 'छपाक' सिनेमा कायदेशीर अडचणीत सापडला आहे. एका फिल्ममेकरने दीपिका, सिनेमाची दिग्दर्शिका मेघना गुलजार आणि सिनेमाच्या निर्मिती कंपन्यांवर स्क्रीप्ट चोरी केल्याचा आरोप केला आहे. राकेश भारती असे आरोप दाखल करणाऱ्या व्यक्तीचे नाव आहे. छपाक त्यांनी लिहिलेल्या स्क्रीप्टवर आधारलेला आहे, असा राकेश यांचा दावा आहे.
 

chhapaak _1  H  
 
आपल्या तक्रारीत राकेश म्हणतात की, ते आपल्या मुलासोबत ॲसिड हल्ल्यातील पीडितेवर आधारित एक कथा निर्मित करण्यास इच्छुक होतो आणि त्यांनी मे २०१५ मध्ये 'ब्लॅक डे' नावाने या सिनेमाचे टायटल रजिस्टर देखील केले होते. त्यानंतर त्यांनी या सिनेमासाठी ऐश्वर्या राय, कंगना रणौतसारख्या अभिनेत्रींशी संपर्कदेखील साधला होता. सिनेमाच्या निर्मितीसाठी त्यांनी पटकथेची कॉपी फॉक्स स्टार स्टुडिओची निर्मिती आणि मृगा फिल्म्सशी शेअर केली होती. त्यांनी सिनेमा बनवण्याची इच्छाही प्रदर्शत केली होती. नंतर या निर्मिती संस्थांनी याच विषयावर आपले विविध सिनेमे बनवायला सुरुवातही केली. आपल्या स्क्रीप्टमध्ये थोडाफार फेरबदल करून 'छपाक' हा सिनेमा बनवला गेला आहे.
 
फॉक्स स्टार स्टुडिओ, मृगा प्रोडक्शन आणि दीपिकाचे प्रोडक्शन हाऊस यांनी एकत्रितपणे 'छपाक' ची निर्मिती केली आहे. दीपिकाव्यतिरिक्त या सिनेमात विक्रांत मेसी मुख्य भूमिकेत आहे. हा सिनेमा १० जानेवारीला रिलीज होणार आहे.