'अंग्रेजी मीडियम'चा ट्रेलर प्रदर्शित

    दिनांक :13-Feb-2020
मुंबई,
बॉलिवूड अभिनेता इरफान खानचा बहुप्रतिक्षित 'अंग्रेजी मीडियम' सिनेमाचा ट्रेलर नुकताच प्रदर्शित झाला. गेल्या काही वर्षांपासून इरफान कर्करोगाशी लढत असून अजूनही तो या आजारातून बरा झाला नाही. अमेरितून उपचार घेऊन भारतात परतल्यानंतर इरफानने अंग्रेजी मीडियम सिनेमाच्या चित्रीकरणाला सुरुवात केली. यामुळेच इरफानसाठी आणि त्याच्या चाहत्यांसाठी हा फार महत्त्वाचा सिनेमा आहे.
 

angreji medium_1 &nb 
 
सिनेमाच्या ट्रेलरमध्ये इरफानची मुलगी मोठी झालेली दाखवण्यात आली असून तिला पुढील शिक्षणासाठी लंडनला जायचे असते. मध्यमवर्गीय घरातील सिंगल फादर असलेला इरफानही मुलीला परदेशात शिक्षणाला पाठवण्याची तयारी दाखवतो. ट्रेलरमध्ये बाप- मुलीचे अनोखे नाते दाखवण्यात आले आहे. याशिवाय मुलीसाठी बाप करत असलेले स्ट्रगलही दाखवण्यात आले आहे. एकूण हा सिनेमा तुम्हाला हसवतोही आणि तेव्हाच अंर्तमुख करेल, असे ट्रेलर पाहून तर नक्की वाटते. सिनेमात इरफानच्या मुलीची भूमिका राधिका मदनने साकारली आहे.
 
 
 
 
ट्रेलर प्रदर्शित होण्याआधी इरफान खानने चाहत्यांसाठी एक भावुक मेसेज सोशल मीडियावर शेअर केला होता. इरफानच्या मेसेजमध्ये सिनेमातील स्टिल इमेज दाखवण्यात आले आहेत. यात त्याने सिनेमाच्या प्रमोशनमध्ये तो का गैरहजर राहिल याचे कारणही सांगितले आहे. त्याने आपल्या तब्येतीबद्दल सांगताना म्हटले की, मी आज तुमच्यासोबत आहेही आणि नाहीही... हा सिनेमा अंग्रेजी मीडियम माझ्यासाठी फार खास आहे. माझी इच्छा होती की या सिनेमाचे प्रमोशन तेवढ्याच आत्मियतेने करू जेवढ्या आत्मियतेने आम्ही या सिनेमात काम केले. पण खराब तब्येतीमुळे ते शक्य होईल, असे वाटत नाही.
 
दिनेश विजान यांनी 'अंग्रेजी मीडियम' सिनेमाची निर्मिती केली असून होमी अदजानिया यांनी दिग्दर्शन केले आहे. हा 'हिंदी मीडियम' सिनेमाचा सीक्वल आहे. येत्या २० मार्चला देशभरात हा सिनेमा प्रदर्शित होणार आहे.