लस घेतलेल्यांपैकी १ टक्केच बाधित

    दिनांक :03-May-2021
|
इंग्लंड,
कोरोना व्हायरसशी लढण्यासाठी जगभरातील देश पुढे सरसावले आहेत. त्यासाठी जगभरात लसीकरण कार्यक्रम राबविण्यात येत आहे. ब्रिटनमधून लसबद्दल एक दिलासादायक बातमी समोर आली आहे. ब्रिटनच्या ‘नॅशनल हेल्थ सर्व्हिस’च्या सेज पब्लिकेशन्सच्या आकडेवारीवरून असे दिसून आले आहे की, व्हायरसच्या दुसऱ्या लाटे दरम्यान लसीकरण झालेल्यांपैकी केवळ एक टक्केच लोकांना रूग्णालयात दाखल करण्याची आवश्यकता पडली. लसीकरणानंतर तीन आठवड्यांपर्यंत, त्यांच्या शरीरात ऍन्टीबाँडीज तयार झाले.
 
ggttt _1  H x W
 
अभ्यासानुसार, लसीचा पहिला डोस घेतल्याच्या तीन किंवा अधिक आठवड्यांनंतर, 52 हजारांपैकी 526 लोकांना कोरोना संसर्ग झाल्यामुळे त्यांना रुग्णालयात दाखल केले गेले. रुग्णालयात दाखल केलेल्या सर्व 526 लोकांना त्यांच्या शरीरात लसीकरणानंतर ऍन्टीबाँडीज मिळू लागले. त्याच वेळी, प्रथम डोस घेतल्यानंतर, कोणत्याही वेळी संसर्ग झालेल्या आणि रूग्णालयात दाखल होणाऱ्या रुग्णांची संख्या 29 टक्के इतकी होती. दुसरीकडे, 71 टक्के लोकं ते होते ज्यांच्या शरीरात लस घेतल्यानंतर ऍन्टीबाँडीज बनण्यापूर्वीच ते आजारी पडले. सेझ सल्लागारांनी सांगितले की, हे सर्व रूग्ण म्हातारे आणि गंभीर अवस्थेतील आहेत. या वयोगटावर या लसीचा परिणाम कमी होण्याची शक्यता आधीच होती.
 
सेझचे सदस्य आणि युनिव्हर्सिटी ऑफ लिव्हरपूल विषाणूशास्त्रज्ञ प्रोफेसर कॅलम सेम्पल म्हणाले की, "डेटावरून असे सूचित होते की, लसीचा एक डोस देखील जगातील लोकांचे संरक्षण करत आहे. लसीचा पहिला डोस घेतल्यानंतर रुग्ण रुग्णालयात दाखल होण्याचे प्रमाण जास्त आहे, परंतु लस घेतल्यानंतर दुसर्‍या आणि तिसर्‍या आठवड्यानंतर हा दर झपाट्याने खाली आला आहे.