कलाकारांचे ठिय्या आंदोलन

    दिनांक :14-Jan-2022
|
- राज्य नाट्य स्पर्धा आयोजित करण्याची मागणी
 
औरंगाबाद, 
Competition : मराठी हौशी राज्य नाट्य स्पर्धेसाठी Competition मागील दोन महिन्यांपासून तयारी करणार्‍या कलाकारांची वाढत्या कोरोना संसर्गामुळे मोठी निराशा झाली आहे. 15 जानेवारीपासून ही राज्य नाट्य स्पर्धा घेतली जाणार होती. मात्र, अचानक स्पर्धा पुढे ढकलण्यात आली. याबद्दल तीव‘ नाराजी व्यक्त करीत कलावंतांनी सांस्कृतिक कार्य संचालनालयात ठिय्या आंदोलन केले. ठरलेल्या वेळेत स्पर्धा घ्या, अन्यथा जमा केलेली रक्कम परत करा, अशी मागणी या कलावंतांनी निवेदनाद्वारे केली आहे.
 
 
natak
 
सांस्कृतिक कार्य संचालनालयाने समाजमाध्यमाद्वारे या स्पर्धा Competition पुढे ढकलत असल्याचा संदेश दिला. त्यामुळे कलावंत, दिग्दर्शकांना न विचारताच स्पर्धकांवर निर्णय लादण्यात आल्याचा कलावंतांचा आरोप आहे. स्पर्धा रद्द होणार असेल तर, संघांनी जमा केलेली रक्कम परत करावी. तसेच प्रत्येक संघास 25 हजार रुपये नुकसान भरपाई द्यावी, अशी मागणीही निवेदनाद्वारे करण्यात आली आहे.
 
 
स्पर्धा Competition पुढे ढकलण्यात आल्याचा निर्णय समाजमाध्यमाद्वारेच कलावंतांपर्यंत पोहोचला आहे. पूर्वीदेखील अशाच प्रकारे स्पर्धा रद्द करण्यात आल्या होत्या. शासनाने कलावंतांना विश्वासात घेऊन निर्णय घ्यायला हवा होता. 50 टक्क्यांच्या क्षमतेने नाट्यगृहे सुरू राहून स्पर्धा घेतल्या जातील, अशी कलावंतांची अपेक्षा होती. तरीही स्पर्धा रद्द करण्यात आल्या. शासनाने किमान लेखी आदेश काढून पुढील तारीख कळवली पाहिजे, अशी अपेक्षा नाट्य कलावंत ऋषीकेश शेजूळ यांनी व्यक्त केली आहे.