अनुष्काने प्रियंकाला का दिला सल्ला?

Anushka बॉलिवूडसह हॉलिवूड गाजवणारी अभिनेत्री म्हणून प्रियांका चोप्राला ओळखले जाते. प्रियांका चोप्रा आणि निक जोनस यांनी काही दिवसांपूर्वी सरोगसीच्या माध्यमातून आई-बाबा झाल्याची गुडन्यूज चाहत्यांना दिली. नुकतंच अभिनेत्री अनुष्का शर्माने सोशल मीडियावर पोस्ट करत प्रियांका आणि निकचे अभिनंदन केले आहे. त्यासोबत त्यांना एक सल्लाही दिला आहे. अनुष्का शर्मा ही तिच्या इन्स्टाग्रामवर कायमच सक्रीय असते. नुकतंच अनुष्काने तिच्या इन्स्टाग्राम स्टोरीवर एक पोस्ट शेअर केली आहे. याद्वारे तिने प्रियांका आणि निकचे अभिनंदन केले आहे. “प्रियांका आणि निक तुमचे खूप खूप अभिनंदन. आता रात्री जागण्यासाठी तयार राहा. त्यासोबतच भरपूर आनंद आणि प्रेमासाठी सज्ज व्हा. तुमच्या बाळाला खूप प्रेम,” असे अनुष्का म्हणाली. त्यासोबत अनुष्काने दोन हार्ट इमोजीही त्या पोस्टमध्ये लिहिले आहेत. 

 

Anushka दरम्यान प्रियांका चोप्रानं शुक्रवारी तिच्या इन्स्टाग्रामवर एक पोस्ट लिहून आई झाल्याची गोड बातमी सर्वांसोबत शेअर केली. त्या दोघांनी ही पोस्ट करताना म्हटले की, ‘आम्ही सरोगसीच्याद्वारे बाळाचं स्वागत केलं आहे, हे सांगताना आम्हाला खूप आनंद होत आहे. हे क्षण आमच्यासाठी अतिशय खास आहेत आणि आम्हाला प्रायव्हसीची गरज आहे. कुटुंबासाठी वेळ द्यायचा आहे. आमच्या भावनांचा आदर कराल अशी अपेक्षा आहे. खूप खूप धन्यवाद.’ पण या पोस्टमध्ये तिनं मुलगा की मुलगी हे स्पष्ट केलेलं नाही. त्यानंतर प्रियंका चोप्राची चुलत बहीण मीरा चोप्राने तिला मुलगी झाल्याची माहिती दिली होती.