केंद्राचा मोठा निर्णय...कोरोना निर्बंधात वाढ
Total Views |
नवी दिल्ली,
Corona restrictions देशात कोरानाचा (Coronavirus) कहर सुरुच आहे. ओमिक्रॉन(Omicron) प्रकारही सामुदायिक प्रसाराच्या टप्प्यात पोहोचला आहे. या पार्श्वभूमीवर केंद्र सरकारने कोविडशी संबंधित मार्गदर्शक तत्त्वे 28 फेब्रुवारीपर्यंत वाढवली आहेत. यासोबतच केंद्रशासित प्रदेश आणि राज्यांना कोणत्याही प्रकारचा हलगर्जीपणा न करण्यास सांगितले आहे. गृह सचिव अजय भल्ला यांनी सर्व राज्ये आणि केंद्रशासित प्रदेशांना लिहिलेल्या पत्रात म्हटले आहे की, कोरोनाचे नवीन प्रकार, ओमिक्रॉन प्रकारामुळे देशात कोरोनाच्या रुग्णांमध्ये वाढ झाली आहे.
Corona restrictions अजय भल्ला म्हणाले की, ''बहुतेक कोरोना रुग्ण वेगाने बरे होत आहेत आणि रुग्णालयांमध्ये कमी रुग्ण असले, तरीही कोरोना रुग्णवाढीचा दर अधिक आहे. ही चिंतेची बाब आहे की 34 राज्ये आणि केंद्रशासित प्रदेशांमधील 407 जिल्ह्यांमध्ये 10 टक्क्यांहून अधिक सकारात्मकता दर आहे. त्यामुळे कोविड विषाणूचा संसर्ग पाहता सावधगिरी बाळगण्याची आणि दक्षता घेण्याची गरज आहे. सर्व राज्ये आणि केंद्रशासित प्रदेशांनी सर्व खबरदारीचे पालन करावे आणि कोणत्याही स्तरावर निष्काळजीपणा होऊ देऊ नये, असेही त्यांनी सांगितले आहे.
