डी-कंपनीवर एनआयएची वक्रदृष्टी...दोन साथीदारांना अटक

    दिनांक :13-May-2022
|
मुंबई,
D-Company राष्ट्रीय तपास यंत्रणेने (NIA) दाऊदच्या डी-कंपनीवर मोठी कारवाई केली आहे. एनआयएने दाऊद इब्राहिम आणि त्याच्या साथीदारांच्या डी कंपनी प्रकरणात दोन संशयितांना अटक केल्याचे वृत्त आहे. या संशयितांना शुक्रवारी विशेष एनआयए न्यायालयात हजर करण्यात येणार आहे. या आठवड्यात एनआयएने जवळपास २९ ठिकाणी शोध घेतला होता. अटक करण्यात आलेले दोन्ही संशयित छोटा शकीलचे सहकारी असल्याचे पुढे येत आहे. एका वृत्तानुसार अटक करण्यात आलेल्या आरोपींची नावे आरिफ अबुबकर शेख (५९) आणि शब्बीर अबुबकर शेख (५९) अशी आहेत.
 
 
nia saoud
 
एनआयएच्या एका वरिष्ठ अधिकाऱ्याने D-Company सांगितले की, दोघेही डी कंपनीच्या बेकायदेशीर कामे आणि मुंबईच्या पश्चिम उपनगरातील दहशतवादी कारवाईमध्ये गुंतले असल्याचे सांगितले आहे. माहितीनुसार, पाकिस्तानने आंतरराष्ट्रीय सिंडिकेट चालवणाऱ्या छोटा शकीलविरुद्ध इंटरपोलने रेड कॉर्नर नोटीस जारी केल्याचे वृत्त आहे. अंमली पदार्थांची तस्करी आणि दहशतवादी कारवायांमध्ये त्याचा सहभाग आहे. वृत्तानुसार, तपासात असे समोर आले आहे की, संपूर्ण सिंडिकेट दाऊद टोळी सीमेपलीकडून चालवत आहे. तपास पथकातील अधिकाऱ्यांनी दिलेल्या माहितीनुसार, छोटा शकीलचे नातेवाईक सलीम कुरेशी उर्फ ​​सलीम फ्रूट, सुहेल खंडवानी, समीर हिंगोरानी, ​​कथित हवाला ऑपरेटर अब्दुल कय्युम, अजय गोसालिया, मोबिदा भिवंडीवाला, गुड्डू पठाण आणि अस्लम सरोदिया हे एनआयएच्या रडारवर आहेत.