मोदींच्या एका निर्णयाने पाकिस्तानचे राजकारण तापले

    दिनांक :22-May-2022
|
इस्लामाबाद, 
अमेरिकेच्या दबावाला न Modi जुमानता रशियाकडून तेल खरेदी केल्याबद्दल पाकिस्तानचे माजी पंतप्रधान इम्रान खान यांनी पुन्हा एकदा भारताचे आणि मोदींचे कौतुक केले आहे. मोदी सरकारने कच्च्या तेलावरील उत्पादन शुल्कात कपात केल्याने नागरिकांनी सुटकेचा नि:श्वास सोडला आहे. त्याचबरोबर यावर राजकारण सुरू आहे. मोदी सरकारच्या या निर्णयावरून देशात आणि पाकिस्तानातही राजकारण तापले आहे. पाकिस्तानमध्ये महागड्या पेट्रोल आणि डिझेलमुळे सर्वसामान्य जनता त्रस्त आहे. त्याचवेळी देशाची बुडत चाललेली अर्थव्यवस्था कशी वाचवायची, हे सरकारमध्ये बसलेल्या राजकारण्यांना समजत नाही. दरम्यान, पाकिस्तानचे माजी पंतप्रधान इम्रान खान यांनी भारतात पेट्रोल आणि डिझेलच्या किमती कमी केल्याचं कौतुक केलं आहे. भारताच्या स्वतंत्र परराष्ट्र धोरणाचे कौतुक करताना खान म्हणाले की, भारत अमेरिकेसह कोणत्याही देशाच्या दबावाला बळी न पडता आपल्या नागरिकांच्या हितासाठी स्वतंत्रपणे निर्णय घेतो. त्यामुळेच भारताने रशियाकडून तेल खरेदी करून आपल्या नागरिकांना दिलासा दिला आहे. 

sjwaf
 
 
इम्रानकडून पुन्हा मोदींवर स्तुतीसुमने
केंद्र सरकारने पेट्रोल-डिझेलच्या दरात कपात केल्यानंतर देशात भलेही राजकारण होत असेल, मात्र सीमेपलीकडून मोदी Modi सरकारचे गुणगान होते आहे. पाकिस्तानचे माजी पंतप्रधान इम्रान खान यांनी एकापाठोपाठ एक ट्विट करत मोदी सरकारच्या या निर्णयाचे कौतुक केले. त्यांनी लिहिले की, क्वाड (QUAD) चा भाग असूनही भारत अमेरिकेच्या दबावापुढे झुकला नाही. भारताने सर्व प्रकारचा दबाव योग्य प्रकारे हाताळला आहे आणि आपल्या नागरिकांच्या भल्यासाठी रशियाकडून स्वस्त तेल खरेदी करून दिलासा दिला आहे.
  
 
यापूर्वीही भारताचे कौतुक
पाकिस्तानचे माजी पंतप्रधान इम्रान खान यांनी भारत आणि मोदी Modi यांचे कौतुक करण्याची ही पहिलीच वेळ नाही. याआधीही, सत्तेत असताना आणि सत्तेत गेल्यानंतरही अनेकवेळा भारतीय लोकशाहीचे आणि भारताच्या स्वतंत्र परराष्ट्र धोरणाचेही कौतुक झाले आहे. भारताची स्तुती करणाऱ्या विधानावरही त्यांना विरोधकांच्या हल्ल्यांना सामोरे जावे लागले. भारत इतका चांगला असेल तर त्यांनी भारतात जावे, असेही त्यांना सांगण्यात आले.