केदारनाथमध्ये दरड कोसळली...व्यापाऱ्यांचा मृत्यू

    दिनांक :23-Jun-2022
|
गौरीकुंड,
Kedarnath पावसाला सुरुवात झाली असून त्यासोबतच डोंगरावरून दगड  घसरण्याची प्रक्रियाही सुरू झाली आहे. राजस्थानच्या राजसमंद येथे राहणाऱ्या एका मार्बल व्यावसायिकाचा केदारनाथ धाममध्ये मृत्यू झाला. त्यांची पत्नीही गंभीर जखमी झाली आहे. गौरी कुंडाकडे जात असताना डोंगरावरून दगड पडल्याने हा अपघात झाला. घटनेची माहिती मिळताच एनडीआरएफ आणि एसडीआरएफचे पथक घटनास्थळी पोहोचले आणि त्यांनी व्यावसायिकाचा मृतदेह बाहेर काढला. लाहिरीलाल तेली रा. केलवा पोलीस स्टेशन केलवा जिल्हा राजसमंद राजस्थान वय ४० असे मृताचे नाव आहे. ते पत्नी आणि मुलांसह केदारनाथ यात्रेला गेला होता. असे सांगितले जात आहे की, मृतक त्यांच्या १० सदस्यांच्या ग्रुपमधून केदारनाथ यात्रेवरून गौरीकुंडला परतत होते.
 

kedar 
मिळालेल्या माहितीनुसार, वाटेत हातिनी गडेरेजवळ डोंगरावरून अचानक दगड पडू लागले. यात लाहिरीलाल यांचा मृत्यू झाला, तर त्यांची पत्नी पुष्पा गंभीर जखमी झाली. दोघांनाही स्थानिक रुग्णालयात आणण्यात आले, तेथे डॉक्टरांनी लाहिरीलाल यांना मृत घोषित केले. हेलिकॉप्टरने मृतदेह डेहराडूनला Kedarnath आणण्यात आला.  याप्रकरणी आपत्ती व्यवस्थापन अधिकारी नंदन सिंह राजवार यांनी सांगितले की, हातिनी गडेराजवळ केदारनाथ यात्रेला निघालेल्या दोन भाविकांवर दगड पडल्याने एका यात्रेकरूचा रुग्णालयात नेत असताना मृत्यू झाला, तर दुसरीकडे रामबाडा येथे एक व्यक्ती बेशुद्ध झाली. माहितीनुसार, एसडीआरएफ आणि एनडीआरएफने त्या व्यक्तीला वाचवले आणि गौरीकुंड रुग्णालयात नेले. दरम्यान, त्या व्यक्तीचा आधीच मृत्यू झाल्याचे समजले.