भारतीय हवाई दलात वडील अन् मुलीच्या इतिहास

    दिनांक :06-Jul-2022
|
नवी दिल्ली,
Indian Air Force वडिलांसाठी सर्वात अभिमानाचा क्षण असतो जेव्हा त्याचे मूल काही महान आणि चांगले कार्य करते. असाच एक पराक्रम सर्वांसमोर आला, फरक एवढाच की, या पराक्रमाचा केवळ वडिलांनाच नाही तर संपूर्ण देशाला अभिमान आहे. वडील आणि मुलीच्या जोडीने इतिहास रचला आहे. एअर फोर्सच्या रिलीझनुसार, एअर कमोडोर संजय शर्मा आणि त्यांची मुलगी,फ्लाइंग ऑफिसर अनन्या शर्मा यांनी कर्नाटकातील बिदरमध्ये हॉक-132 विमानात एकत्र उड्डाण केले. 30 मे रोजी विमानाने उड्डाण केले. हा क्षण भारतीय हवाई दलाच्या सुवर्ण इतिहासात कायमचा कैद झाला आहे, ज्याचा येणाऱ्या काळात सर्वांना अभिमान वाटेल.

dad 
एअर कमोडोर संजय शर्मा आणि त्यांची मुलगी फ्लाइंग ऑफिसर अनन्या शर्मा यांचा एक फोटो सोशल मीडियावर मोठ्या प्रमाणात व्हायरल होत आहे, ज्यामध्ये ही जोडी फायटर प्लेनसमोर पोज देत आहे. या चित्रात बाप आणि मुलीच्या  चेहऱ्यावरचा आनंद प्रत्येकजण पाहू शकतो किंवा त्यापेक्षा दोघांच्याही चेहऱ्यावरचा अभिमान आज प्रत्येक भारतीयाला जाणवतो. Indian Air Force हवाई दलाने जारी केलेल्या निवेदनात म्हटले आहे की, एअर कमोडोर संजय शर्मा आणि त्यांची मुलगी फ्लाइंग ऑफिसर अनन्या शर्मा यांनी 30 मे रोजी कर्नाटकातील बिदरमध्ये हॉक उडवले होते. बाप-लेकी जोडीने हॉक-132 विमानाच्या एकाच फॉर्मेशनमध्ये उड्डाण करून इतिहास रचला, असे निवेदनात म्हटले आहे. हवाई दलाने आपल्या निवेदनात म्हटले आहे की, 'भारतीय वायुसेनेच्या इतिहासात याआधी कधीही वडील आणि त्यांची मुलगी एकाच लढाऊ विमानातून एका मोहिमेसाठी उड्डाण केले नव्हते. हे एक मिशन होते जिथे एअर कमोडोर संजय शर्मा आणि फ्लाइंग ऑफिसर अनन्या शर्मा हे फक्त वडील आणि मुलगी नव्हते. ते सहकारी विंगमेन म्हणून एकमेकांवर पूर्ण विश्वास असलेले सोबती होते. अनन्या शर्मा सध्या बिदरमध्ये प्रशिक्षण घेत आहे.