‘ब्ल्यू लाईन’मुळे 450 हेक्टर बाधित

    दिनांक :26-Sep-2022
|
चंद्रपूर, 
इरई नदी (Blue Line) ही चंद्रपूर शहराला 7 किलोमीटर समांतर वाहते. पूर परिस्थितीमध्ये या नदीचे पाणी शहरात येत असल्यामुळे नागरिकांच्या मालमत्तेची मोठ्या प्रमाणात हानी होते. शहरात असेही काही भाग आहेत, जेथे ‘ब्ल्यू लाईन’ आहे, मात्र वर्षानुवर्षे तेथे पाण्याचा एकही थेंब पोहचला नाही. त्यामुळे त्यावर नव्याने विचार करण्याची वेळ आली आहे. ‘ब्ल्यू लाईन’मुळे शहरातील जवळपास 450 हेक्टर क्षेत्र बाधित होत असल्याची माहिती राज्याचे वने, सांस्कृतिक कार्य मंत्री तथा जिल्ह्याचे पालकमंत्री सुधीर मुनगंटीवार यांनी दिली.
 

dfd  
नियोजन (Blue Line) सभागृहात चंद्रपूर शहरातील पूर नियंत्रण रेषा संदर्भात आढावा घेताना ते बोलत होते. यावेळी सहायक जिल्हाधिकारी रोहन घुगे, मनपा आयुक्त विपिन पालीवाल, जलसंपदा विभागाचे अधिक्षक अभियंता पाटील, कार्यकारी अभियंता काळे, निवासी उपजिल्हाधिकारी विशाल मेश्राम, देवराव भोंगळे आदी उपस्थित होते. इरई नदीच्या ‘रेड’ आणि ‘ब्ल्यू लाईन’बद्दल यापूर्वी मुंबई आयआयटी यांनी सर्व्हे केला होता, असे सांगून पालकमंत्री मुनंगटीवार म्हणाले, सध्या चंद्रपूर शहरात ‘रेड लाईन’ ही 181.10 मीटर तर ‘ब्ल्यू लाईन’ ही 179.6 मीटरवर आहे. ज्या जमिनीवर कधीच पाणी आले नाही, अशाही काही जमिनी ‘ब्ल्यू लाईन’मध्ये असल्याचे निदर्शनास आले आहे. चंद्रपूर शहरातील जवळपास 450 हेक्टर क्षेत्र ‘ब्ल्यू लाईन’मुळे बाधित होते. हे क्षेत्र मोठे आहे.
 
विनाकारण नागरिक यात भरडले जाऊ नये. त्यामुळे चंद्रपूर महानगर (Blue Line) पालिका आणि पाटबंधारे विभागाने पुन्हा एकदा सामूहिक सर्व्हे करून व्यवस्थित टिपणी तयार करावी. याबाबत मुंबई येथे उपमुख्यमंत्री यांच्या अध्यक्षतेखाली संबंधित विभागाच्या प्रमुखांसोबत बैठक घेण्यात येईल. आयआयटीने केलेल्या सर्व्हेची शासनाच्या एमआर-सॅट यंत्रणेकडून पुन्हा पडताळणी करणे गरजेचे आहे, असे त्यांनी सांगितले. चंद्रपूर शहरात 3 सप्टेंबर 1891 रोजी आलेल्या पुराची पठाणपुरा गेटवर 183.06 मीटर नोंद आहे. यानंतर जुलै 1913 मध्ये 180.06 मीटर, ऑगस्ट 1958 मध्ये 181.33 मीटर, सप्टेंबर 1959 मध्ये 180.89 मीटर, ऑक्टोबर 1986 मध्ये 180.76 मीटर नोंद असल्याची माहिती अधीक्षक अभियंता पाटील यांनी बैठकीत दिली.