चोरीच्या बॅटर्‍यांसह दोन चोरट्यांना अटक

गोेंदिया,

Gondia thieves : शहरात दोन वाहनाच्या बॅटर्‍या चोरी करणार्‍या दोन आरोपींना 18 नोव्हेंबर रोजी शहर पोलिसांनी अटक केली. त्यांच्याकडून चोरी केलेल्या बॅटर्‍या जप्त करण्यात आल्या. शहरातील पोस्टमन चौक येथील रंजीत पुराम यांच्या मालकीच्या ट्रकची व गणेश मोहबे यांच्या ऑटोरिक्शाची बॅटरी अज्ञात इसमांनी चोरी केली होती. याप्रकरणी शहर पोलिसांनी गुन्हा दाखल करुन तपास सुरु केला. दरम्यान मिळालेल्या तांत्रिक माहितीच्या आधारे याप्रकरणी राज उर्फ मारी सुशिल जोसफ (20) व फरहान ईशाक कुरैशी (19) रा. गौतमनगर यांना अटक केली. त्यांनी गुन्हा कबूल केली असून त्यांच्याकडून चोरी केलेल्या जप्त करण्यात आल्या.

चोरी गेलेल्या चार दुचाकींचा लागला शोध

आरोपी अटकेत

शहरातील Gondia thieves वेगवेगळ्या भागातून चोरी गेलेल्या चार दुचाकीचा शोध घेऊन याप्रकरणी शहर पोलिसांनी एका आरोपीला अटक केली. निखिल चैतराम तरोणे (21) रा. सुपलीपार असे आरोपीचे नाव आहे. शहरातील राणीसती मंदिरासमोरुन परिसरातून धीरज वर्मा यांची दुचाकी अज्ञात व्यक्तीने चोरी केली होती.

याप्रकरणाचा Gondia thieves तपास करीत असताना शहर पोलिसांनी निखिल तरोणे याला संशयावरुन ताब्यात घेतले. चौकशीदरम्यान त्याने आपला गुन्हा कबूल केला. त्याच्याकडून धीरज वर्मा यांच्या दुचाकीसह तीन विना क्रमांकाच्या दुचाकी जप्त केल्या. ही कारवाई पोलिस निरिक्षक चंद्रकांत सुर्यवंशी, पोनि सचिन म्हेत्रे, सपोनि रामभाऊ व्होंडे, गुन्हे प्रकटीकरण पथकाचे पोहवा जागेश्‍वर उईके, सुदेश टेंभरे, कवलपाल भाटीया, दीपक रहांगडाले, मपोहवा. रिना चौव्हाण, पोशि अशोक रहांगडाले, दिनेश बिसेन, मुकेश रावते, सुभाष सोनवाने, कुणाल बारेवार यांनी केली.