'सलार'च्या त्सुनामीमध्ये 'अ‍ॅनिमल'ने केले अमेरिकेवर राज्य...

Animal Box Office Collection : 'कबीर सिंग' दिग्दर्शित करणाऱ्या संदीप रेड्डी वंगा यांनी 2023 ला तुफान गाजवले. नुकत्याच आलेल्या 'अ‍ॅनिमल' चित्रपटाच्या गर्जनेने भारतच नव्हे तर जगभरातील बॉक्स ऑफिसला हादरवून सोडले. 800 कोटींहून अधिक कमाई करणारा 'अ‍ॅनिमल' जगभरात, विशेषतः अमेरिकेत धुमाकूळ घालत आहे.

1 डिसेंबर 2023 रोजी थिएटरमध्ये प्रदर्शित झालेला अ‍ॅक्शन थ्रिलर 'अ‍ॅनिमल' अनेक कारणांमुळे वादात सापडला असला तरी कमाईच्या बाबतीत हा चित्रपट मागे राहिला नाही. 'अ‍ॅनिमल'ने भारतात 500 कोटींच्या पुढे व्यवसाय केला. या चित्रपटाच्या जगभरातील कलेक्शनने 800 कोटींचा आकडा पार केला आहे आणि तोही केवळ तीन आठवड्यांत.

 

 

रणबीर कपूर स्टारर चित्रपट 'अ‍ॅनिमल' उत्तर अमेरिकेत प्रचंड कमाई करत आहे. चित्रपट व्यापार विश्लेषक रमेश बाला यांच्या मते, 'अ‍ॅनिमल' हा उत्तर अमेरिकेत सर्वाधिक कमाई करणारा चौथा भारतीय चित्रपट आहे. या चित्रपटाने अमेरिकन बॉक्स ऑफिसवर किती व्यवसाय केला हे रमेशने सांगितले. रमेश बाला यांनी X (ट्विटर) वर पोस्ट केले आणि लिहिले, "'अ‍ॅनिमल' हा उत्तर अमेरिकेतील चौथा सर्वाधिक कमाई करणारा भारतीय चित्रपट आहे आणि कॅनडामध्ये प्रथम क्रमांकावर आहे." व्यापार विश्लेषक पुढे म्हणाले, "चित्रपट अजूनही जोरदार चालू आहे. चित्रपटाने आतापर्यंत US$ 15 दशलक्ष (सुमारे 125 कोटी) कमावले आहेत. हॅट्स ऑफ टू द चॅम्पियन."

'अ‍ॅनिमल'च्या एकूण कलेक्शनबद्दल बोलायचे झाले तर, या चित्रपटाने जगभरात 859.53 एवढी कमाई केली आहे. 'सलार' आणि 'डंकी' रिलीज झाल्यानंतरही 'अ‍ॅनिमल'च्या कमाईचा ट्रेंड कायम आहे. देशांतर्गत बॉक्स ऑफिसची कमाई 532.77 कोटी रुपयांवर पोहोचली आहे. कलाकारांबद्दल बोलायचे झाले तर रणबीर कपूर व्यतिरिक्त बॉबी देओल, अनिल कपूर, तृप्ती डिमरी आणि रश्मिका मंदान्ना या चित्रपटात महत्त्वाच्या भूमिकेत होते.