आकाशात आजपासून चार दिवस दिसणार अंतराळ केंद्राचे सौंदर्य

Space center : पावसानंतर आकाशातील धुलीकणांचे प्रमाण कमी झाल्याने आकाश निरीक्षण अधिक स्पष्ट होत असते. ग्रह-तार्‍यांसोबतच आकाशात विविध घडामोडी अधुनमधून अनुभवता येतात. अशातच या महिन्यात मिथुन राशीतून होणारा उल्का वर्षाव व 6 ते 9 डिसेंबर या सलग चार दिवसांत संध्याकाळच्या सुमारास निरभ्र आकाशात फिरती चांदणी अर्थात आंतरराष्ट्रीय अंतराळ केंद्राचा एक वेगळाच देखावा नुसत्या डोळ्यांनी पाहता येणार आहे. विशेष म्हणजे हा सुंदर देखावा अकोला, अमरावती, वाशीम, बुलढाणा जिल्ह्यातून दिसणार आहे, असे ज्येष्ठ खगोल अभ्यासक प्रभाकर दोड यांनी सांगितले आहे.

 

 

अमेरिका, रशियासह पंधरा देशांच्या संयुक्त प्रयत्नातून साकारलेल्या या प्रकल्पात अत्याधुनिक Space center अंतराळ संशोधन व प्रशिक्षण केंद्र उभारण्यात आले असून, त्याव्दारे विविध देशांतील वैज्ञानिक अभ्यास व संशोधन कार्य करीत आहेत. फुटबॉलच्या मैदानापेक्षा दीडपट आकाराचे हे अंतराळ केंद्र पृथ्वीपासून साधारण चारशे किलोमीटर अंतरावरून सुमारे दीड तासात दरताशी 27,500 कि.मी.या वेगाने फिरत असते अशी माहिती प्रभाकर दोड यांनी दिली आहे. पृथ्वीवरून ज्या भागावरून याचा प्रवास होतो तेव्हा त्या भागातील लोकांना या अंतराळ केंद्राचे फिरत्या चांदणीच्या स्वरुपात दर्शनाचा लाभ घेता येतो. स्थान परत्वे वेळ, दिशा व तेजस्वीतेत काही बदल संभवतात. असा हा अनोखा आकाश नजारा प्रत्येक आकाश प्रेमींनी आपआपल्या भागातून अवश्य अनुभवावा, असे आवाहन ज्येष्ठ खगोल अभ्यासक प्रभाकर दोड यांनी केले आहे.

 

 

बुधवार, 6 डिसेंबरला रात्रीच्या प्रारंभी 7 वाजता तीन मिनिटे फिरत्या तेजस्वी चांदणीचा प्रवास वायव्य ते पूर्वेकडे गुरु ग्रहाच्या जरा अलिकडे होईल. गुरुवार, 7 डिसेंबरला संध्याकाळी 6:12 ते 6: 18 या वेळी हे अंतराळ केंद्र उत्तरेकडून पूर्वेकडे जाताना दिसेल. शुक्रवार, 8 डिसेंबरला शुक्रवारी पुन्हा 7 वाजता फिरती Space center चांदणी पश्चिम आकाशात दक्षिण दिशेला सरकताना पाहता येईल. शनिवार, 9 डिसेंबरला संध्याकाळी 6-11 वा. वायव्येकडून आग्नेय दिशेला सुमारे सहा मिनिटे बघता येईल, असेही त्यांनी सांगितले

आहे.