बनगाव पाणी पुरवठा योजनेची 1.20 कोटी थकबाकी

Water Supply Scheme : आमगाव, सालेकसा तालुक्यातील 40 गावांना पिण्याच्या शुद्ध पाण्याचा पुरवठा करणारी बनगाव प्रादेशिक ग‘ामीण पाणीपुरवठा योजना जिल्हा परिषद ग‘ामीण पाणीपुरवठा विभागामार्फत कार्यान्वित आहे. ग‘ामपंचायती लाभार्थ्यांकडून वेळेवर पाणी कराची वसुली करीत नसल्याने 1 कोटी 19 लाख 94 हजार 417 रुपयांचे पाणीकर थकले आहे. ज्या ग‘ामपंचायतींकडे 1 लाख रुपयांपेक्षा अधिकचे पाणी कर थकीत आहे, अशा गावांचा पाणीपुरवठा बंद करण्याचा निर्णय संबंधित विभाग घेणार आहे. तशी सूचना देखील ग‘ामपंचायतींना देण्यात आली आहे.

 

 

बनगाव पाणीपुरवठा योजना सन 2008 मध्ये सुरू करण्यात आली. योजना सुरू झाल्यापासून कधी वीज पुरवठा खंडित, कधी जलवाहिणीला गळती तर कधी देखभाल व दुरुस्तीचे काम करणार्‍या कंपनीला पैसे न देणे यामुळे बंद पडत आहे. विभागाबरोबरच काही जबाबदार अधिकारी आणि लोकप्रतिनिधी योजना सुरू ठेवण्यासाठी सातत्याने प्रयत्नरत आहेत. परंतु, शुद्ध पाणी वापरणारे नळ जोडणीधारक पाणी कर वेळेत देण्यात उदासीन आहेत. ग‘ामपंचायतींचे पाणीकर वसुलीचे नियोजनही ढिसाळ आहे. त्यामुळे संबंधित विभागाकडे पाणीकर वेळेवर जमा होत नाही. परिणामी, योजना राबविण्यात यंत्रणेला नानाविध अडचणींचा सामना करावा लागतो. या प्रकारामुळे जिप प्रशासन कठोर धोरण अवलंबविणार आहे. ज्या ग‘ामपंचायतीकडे 1 लाखापेक्षा अधिकचे पाणीकर शिल्लक आहे, अशा ग‘ामपंचायतीचा पाणीपुरवठा बंद करण्याचा निर्णय पाणी पुरवठा विभागाने घेतला आहे.

 

 

आमगाव नगरपरिषद हद्दीत 8 गावांचा समावेश आहे. पैकी 7 गावे लाभक्षेत्रात येतात. आमगाव नगरपरिषदेकडे जिल्हा परिषद पाणी पुरवठा विभागाची 8 लाख 60 हजार 662 रुपये थकबाकी आहे.