राज्यातील सर्व शाळांमध्ये आजी-आजोबा दिवस होणार साजरा

वर्षभरात विविध दिवस साजरे केले जातात. त्यातच आता राज्यातील सर्व शाळांमध्ये aji-ajoba divas आजी-आजोबा दिवस साजरा केला जाणार आहे. याबाबत शासन निर्णय झाला असून, त्याचे परिपत्रक जारी करण्यात आले आहे. दरवर्षी सप्टेंबर महिन्यात पहिल्या सोमवारनंतर येणार्‍या रविवारी हा आजी-आजोबा दिवस साजरा केला जातो. हाच आजी-आजोबा दिवस शाळेतही साजरा करण्याच्या सूचना देण्यात आल्या आहेत. विभक्त कुटुंब पद्धतीमुळे आजी-आजोबांचे प्रेम नातवंडांना मिळत नाही, त्यामुळे हा निर्णय घेण्यात आला आहे.

 

 

 

सध्याची कौटुंबिक परिस्थिती पाहता आई-वडील नोकरी अथवा व्यावसायानिमित्त घराबाहेर जास्त वेळ असल्याने पाल्यांची संपूर्ण जबाबदारी आजी-आजोबांवर असते. शाळा सोडून घरातला जास्त वेळ ते aji-ajoba divas  आजी-आजोबांसोबत घालवतात. खरं तर आजी-आजोबा आणि नात किंवा नातू यांचे नाते फार विलक्षण असते, खास असते. आजी-आजोबा हे नातवंडांचे पहिले मित्र असतात. नात्याची तेव्हा तिथूनच खरी जडण-घडण होत असते. म्हणून आजी-आजोबांचे नातवांशी असलेल्या घट्ट नात्याची ओळख होणे आजच्या काळात महत्त्वपूर्ण असून, हे नाते मुलांच्या सर्वांगीण विकासासाठी गरजेचे आणि प्रेरणादायी आहे, असे सरकारने जारी केलेल्या परिपत्रकात म्हटले आहे.

- सर्वप्रथम सर्व विद्यार्थ्यांनी आपल्या आजी-आजोबांचा परिचय करून द्यावा

- आजी-आजोबांच्या मनोरंजनासाठी संगीत, गायन, वादन, चित्रकला, नृत्य असे कार्यक‘म आयोजित करावेत

- विटीदांडू, संगीत खुर्ची असे खेळ ठेवण्यास हरकत नाही

- संगीत खुर्चीसार‘या खेळात सहभागी होऊन बालपणीच्या आठवणी ताज्या करता येतील

- आजी-आजोबांसोबत शाळेतील शिक्षकांनी सुद्धा सहभाग घ्यावा

- पारंपरिक वेशभूशेमध्ये आजी-आजोबांना बोलवावे

- महिलांसाठी मेहंदी आणि वेगवेगळ्या उपक‘मांचे आयोजन करण्यात यावे

- शाळेतील विद्यार्थ्यांनीही आपल्या लाडक्या आजी-आजोबांसाठी यावेळी कलाकृती सादर कराव्यात

- आजीच्या बटव्याचे महत्त्व विद्यार्थ्यांना सांगावे. झाडे लावणे आणि पर्यावरणाचे महत्त्व विद्यार्थ्यांना सांगावे