3.45 लाख बालकांची होणार आरोग्य तपासणी

जिल्ह्यात ‘जागरूक पालक, सुदृढ बालक’ Health अभियान राबविण्यात येणार आहे. अभियानात जिल्ह्यातील सर्व शाळा व अंगणवाड्यामधील 0 ते 18 वर्षे वयोगटातील 3 लाख 45 हजार मुलामुलींची तपासणी करण्यात येणार आहे. पुढील दोन महिने अभियान सुरू राहणार असून अभियाचा प्रारंभ आज 9 फेब्रवारी रोजी होत आहे. यासाठी आरोग्य विभागाच्या 272 चमू तयार करण्यात आल्या आहेत. एकही पात्र लाभार्थी सुटू नये याची काळजी घ्याण्याची सूचना जिल्हाधिकारी चिन्मय गोतमारे यांनी केली आहे.

 

राज्यातील ग्रामीण, शहरी Health भागातील 0 ते 18 वर्षे वयोगटातील बालकांची आरोग्य तपासणी, संदर्भ सेवा, प्रयोगशाळा तपासण्या व आवश्यकतेनुसार उपचार तथा शस्त्रक्रिया करण्याकरिता सार्वजनिक आरोग्य विभागामार्फत 9 फेब्रुवारीपासून जागरूक पालक, सुदृढ बालक अभियान राबविण्यात येत आहे. या अंतर्गत जिल्हाभर आरोग्य व महारक्तदान शिबिराचे आयोजनही करण्यात आले आहे. जिल्ह्यातील सर्व शासकीय, निमशासकीय शाळा, कनिष्ठ महाविद्यालये, आश्रम, अंध, दिव्यांग शाळा, अंगणवाड्या, बालगृहे, वसतिगृहे, खासगी नर्सरी तसेच शाळाबाह्य 0 ते 18 वर्षापर्यंतच्या मुला-मुलींची 20 ते 25 प्रकारच्या तपासण्या करण्यात येणार आहेत. अभियानात आजारी आढळलेल्या बालकांवर त्वरित उपचार करणे, गरजू आजारी बालकांना संदर्भ सेवा देऊन उपचार करणे, प्रतिबंधात्मक आरोग्य सुविधा पुरविणे व सुरक्षित व सुदृढ आरोग्यासाठी समुपदेशन करण्यात येणार आहे. आवश्यकता भासल्यास शस्त्रक्रियाही करण्यात येणार आहे.