आशियातील पहिल्या महिला लोको पायलटची मोठी कामगिरी

आशियातील पहिली महिला लोको पायलट (Surekha Yadav) सुरेखा यादव यांनी वंदे भारत एक्स्प्रेस चालवत तिच्या नावावर आणखी एक यश मिळवले. सेमी-हाय स्पीड वंदे भारत एक्सप्रेस ट्रेन चालवणाऱ्या त्या पहिल्या महिला ठरल्या आहेत. लोको पायलट सुरेखा यादव यांनी सोलापूर स्टेशन ते मुंबईतील छत्रपती शिवाजी महाराज टर्मिनस दरम्यान सेमी-हाय स्पीड ट्रेन चालवल्याची माहिती मध्य रेल्वेने दिली.

 

मध्य रेल्वेच्या माहितीनुसार, 13 मार्च रोजी ट्रेनने सोलापूर स्थानक वेळेवर सोडले आणि नियोजित आगमनाच्या पाच मिनिटे आधी सीएसएमटीला पोहोचले. रेल्वे मंत्री अश्विनी वैष्णव यांनी ट्विट केले की, वंदे भारत - महिला शक्तीने संचालित, श्रीमती सुरेखा यादव, वंदे भारत एक्सप्रेसच्या पहिल्या महिला लोको पायलट. मध्य रेल्वेने सांगितले की, (Surekha Yadav) यादव यांनी वंदे भारत एक्सप्रेसची पहिली महिला लोको पायलट बनून, मध्य रेल्वेसाठी आणखी एक मैलाचा दगड गाठला. मध्य रेल्वेने CSMT-सोलापूर आणि CSMT-साईनगर शिर्डी मार्गावर दोन वंदे भारत एक्सप्रेस गाड्या सुरू केल्या आहेत. ज्यांना 10 फेब्रुवारी 2023 रोजी पंतप्रधान नरेंद्र मोदी यांनी हिरवा झेंडा दाखवला होता. पश्चिम महाराष्ट्रातील सातारा येथील यादव 1988 मध्ये भारतातील पहिली महिला रेल्वे चालक बनली. त्यांच्या या कामगिरीबद्दल त्यांना राज्य आणि राष्ट्रीय स्तरावर अनेक पुरस्कार मिळाले आहेत.

सुरेखाला (Surekha Yadav) लहानपणापासूनच तांत्रिक पार्श्वभूमी आणि ट्रेन्सची ओढ होती. त्यांनी पायलटसाठी फॉर्म भरला. 1986 मध्ये त्यांची लेखी परीक्षा होती, ती उत्तीर्ण झाल्यानंतर त्यांनी मुलाखतही पास केली. पुढे सुरेखा यांची कल्याण ट्रेनिंग स्कूलमध्ये सहाय्यक चालक म्हणून नियुक्ती झाली. प्रशिक्षण पूर्ण झाल्यानंतर सुरेखा यादव यांना 1989 मध्ये नियमित सहाय्यक चालक पदावर बढती मिळाली.

 

सुरेखा (Surekha Yadav) यांनी सर्वप्रथम गुड्स ट्रेन ड्रायव्हर म्हणून आपल्या करिअरची सुरुवात केली. हळूहळू त्याचे ड्रायव्हिंग कौशल्य चांगले होत गेले. 2000 मध्ये त्यांना मोटर वुमन पदावर बढती मिळाली. त्यानंतर 2011 मध्ये सुरेखा एक्सप्रेस मेलची पायलट बनली. यासह सुरेखा यादव यांना महिला दिनानिमित्त आशियातील पहिली महिला रेल्वे चालक होण्याचा मान मिळाला.