मेंढा लेखा जिल्ह्यात आदर्श गाव करणार : जिल्हाधिकारी मीणा

गोदामाचे वेळेत काम पुर्ण करण्याचे आवाहन करीत जर हे काम वेळेत पुर्ण झाले तर समाज मंदिरासह रस्त्यांची कामे हाती घेवू, असे आश्‍वासन देत गाव आदर्श करण्याची विचरणा केली असता सर्वानुमते होकार आला. यावेळी जिल्ह्यातील पहिले आदर्श गाव मेंढा लेखा करण्यासाठी जिल्हा प्रशासन मदत करेल, असे आश्‍वासन (Collector Meena) जिल्हाधिकारी संजय मीना यांनी दिले. तसेच याबाबत विविध कामांचा आंतर्भाव करून प्रस्ताव पाठविण्याच्याही सूचना त्यांनी यावेळी दिल्या. जिल्ह्यात सर्व प्रकारच्या योजनांची यशस्वी अंमलबजावणी करणारे, लोकसहभाग असलेले एक गाव तयार झाल्यास त्यांचा आदर्श घेवून इतरही गावे समोर येतील, असेही (Collector Meena) ते म्हणाले.

 

 

सामुदायिक वन अधिकार मान्यता प्राप्त गावाच्या ग्रामसभांना महात्मा गांधी राष्ट्रीय ग्रामीण रोजगार हमी योजनेंतर्गत कामे करण्यासाठी अंमलबजावणी यंत्रणा म्हणून 2021 मध्ये शासनाने मंजूरी दिली. यानंतर जिल्ह्यातील मेंढा ग्रामसभेद्वारे नरेगातील कामे हाती घेण्यात आली. यातील कृषी गोदाम या कामाच्या भूमिपूजनप्रसंगी ते बोलत होते. यावेळी (Collector Meena) सामाजिक कार्यकर्ते तथा मेंढा लेखा ग्रामसभा अध्यक्ष देवाजी तोफा प्रामुख्याने उपस्थित होते.

 

 

कृषी गोदाम बांधकामामध्ये 1.43 लक्ष रूपयांचे अकुशल, 27.01 लक्ष रूपयांचे कुशल व 5.57 लक्ष रुपयांचे साहित्य असे मिळून 34.02 लक्ष रूपयांचे काम आहे. विकेंद्रीत पद्धतीने गाव, टोला, पाडा हे घटक म्हणून नियोजन केले तर त्याचे चांगले व निश्‍चित परिणाम होतील तसेच गावातील नागरिक यात सहभागी होतील. या हेतूने रोजगार हामी योजनेंतर्गत सामुदायिक वनहक्क प्राप्त ग्रामसभांना अंमलबजावणी यंत्रणा (Collector Meena) म्हणून घोषित केले आहे.

 

 

देवाजी तोफा यांनी गोदामाचे गावागावातील महत्त्व सांगून प्रत्येक गावात याची उभारणी झाल्यास शेतकर्‍यांना आपला माल तसेच वनउपज सुरक्षित साठवता येईल असे स्पष्ट केले. जिल्हाधिकारी यांच्या मार्गदर्शनाखाली ग्रामसभा आता नरेगातही उत्तम कामे करतील व गावापासून सुरू झालेले हे काम देशभर जाईल असेही ते यावेळी म्हणाले. उपजिल्हाधिकारी (रोहयो) विजया जाधव यांनी ग्रामसभा अंमलबजावणी यंत्रणा म्हणून कार्य करीत असतानाची प्रक्रिया लोकांना सांगितली. (Collector Meena) त्या म्हणाल्या, आता ग्रामसभांना स्वतंत्र काम करण्याची संधी मिळाली आहे. आजपर्यंत 74 ग्रामसभांची नोंदणी करण्यात आली आहे. यापैकी 49 ग्रामसभांचे लेबर बजेट तयार झाले असून एकूण 1633 कामांचे नियोजन करण्यात आले आहे.

 

 

अकुशल 3046.3 लक्ष, कुशल 2124.30 लक्ष असे एकुण 5170.6 लक्ष रूपये तरतूद करण्यात आली आहे. एकुण 11.90 लक्ष मनुष्य दिन कामे नियोजित आहेत. ग्रामसभांचे वनउपज व कृषी माल साठवणूककरीता महात्मा गांधी राष्ट्रीय ग्रामीण योजनेतुन धानोरा तालुक्यातील 3 ग्रामसभेमध्ये 250 मेट्रीक टन क्षमतेचे कृषी गोडाऊन निर्मिती काम सुरु करण्यात आले असून राज्यातील हा प्रथम प्रकल्प आहे. (Collector Meena) आगामी तीन महिन्यात काम पुर्ण करण्याचा संकल्प असल्याचे त्या यावेळी म्हणाल्या. या कार्यक्रमाला जिल्हा अधीक्षक कृषी अधिकारी बसवराज मास्तोळी, तहसिलदार धानोरा विरेंद्र जाधव, गट विकास अधिकारी श्री.टीचकुले, सरपंच श्रीमती दुगा व ग्रामसभेचे पदाधिकारी व गावातील नागरिक उपस्थित होते.