अमृता फडणवीसांना लाच देणाऱ्याची उच्च न्यायालयात धाव!

महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस Amrita Fadnavis यांना ब्लॅकमेल करून त्यांच्याकडून पैसे उकळल्याप्रकरणी मुंबई पोलिसांनी अनेकांना अटक केली होती. या प्रकरणातील मुख्य आरोपी हा बुकी अनिल जयसिंघानी असून त्याने आता मुंबई उच्च न्यायालयात धाव घेऊन त्याच्याविरुद्धचा एफआयआर रद्द करण्याची मागणी केली आहे. आपली अटक बेकायदेशीर असल्याचा युक्तिवाद त्यांनी उच्च न्यायालयात केला आहे.

 

 

 

या प्रकरणातील आरोपी अनिल जयसिंघानी आणि त्यांचे नातेवाईक निर्मल जयसिंघानी यांना २० मार्च रोजी गुजरातमधून अटक करण्यात आली होती. यापूर्वी, जयसिंघानी यांची मुलगी अनिष्का हिला 16 मार्च रोजी अमृता फडणवीस यांना गुन्हेगारी प्रकरणात हस्तक्षेप करण्यासाठी एक कोटी रुपयांची ऑफर दिल्याप्रकरणी अटक करण्यात आली होती. जयसिंघानी यांनी Amrita Fadnavis दावा केला की, त्यांच्याविरुद्ध दाखल करण्यात आलेला एफआयआर खोटा आणि राजकीय हेतूने प्रेरित आहे आणि ही अटक कायद्यानुसार नाही. अधिवक्ता मनन संघाई यांच्यामार्फत दाखल करण्यात आलेल्या याचिकेत म्हटले आहे की, हा गुन्हा पूर्णपणे चुकीचा आहे आणि याचिकाकर्त्यांना (अनिल आणि सहआरोपी निर्मल जयसिंघानी) या प्रकरणात विनाकारण गोवण्यात आले आहे.