‘अमोघ-3’ उडवणार शत्रूच्या रणगाड्यांच्या चिंधड्या

Amogh-3 : भारत डायनामिक्स लि.ने अलिकडेच तिसर्‍या पिढीतील रणगाडाविरोधी दिशादर्शक मॅन पोर्टेबल क्षेपणास्त्र (Amogh-3) ‘अमोघ-3’ची यशस्वी चाचणी घेतली आहे. शत्रूच्या रणगाड्यांच्या चिंधड्या उडवण्याची क्षमता असलेले हे क्षेपणसस्त्र खांद्यावर वाहून कुठेही नेले जाऊ शकते. कुठूनही शत्रूचा रणगाडा उद्ध्वस्त करण्याची क्षमता यात आहे.

 

 

अमोघ-3 (Amogh-3) हे रणगाडाविरोधी दिशादर्शक क्षेपणास्त्र अत्यंत आधुनिक असून, अचूक मारा करण्याची क्षमता यात आहे. नव्या क्षेपणास्त्राची मारक क्षमता 200 मीटर ते 2500 मीटर आहे. थेट वरतून किंवा सरळ रेषेत येत लक्ष्याला हे क्षेपणास्त्र उद्ध्वस्त करते. यातील स्फोटके 650 मिमी बियॉन्ड एक्सप्लोजिव्ह रिअ‍ॅक्टर आर्मरच्याही (रणगाडा विरोधी क्षेपणास्त्राचा वार सहन करण्यास सक्षम) ठिकर्‍या उडवू शकतात.

 

क्षेपणास्त्रात ड्युएल मोड इमेजिंग इन्फ्रारेड (Amogh-3) सीकरचा वापर करण्यात आला आहे. म्हणजेच हे क्षेपणास्त्र अंधारातही लक्ष्याची ओळख पटवून ते नष्ट करण्यास सक्षम आहे. लक्ष्याच्या दिशेने झेपावत असताना याचा आवाज कमी असतो तसेच धूरही कमी निघतो. अमोघ-3 डागतानाही फारसा आवाज येत नाही. भविष्यात हे हलके लढाऊ हेलिकॉप्टर रुद्र आणि हल्ला करणार्‍या प्रचंड हेलिकॉप्टरवर तैनात करण्याची योजना आहे.

 

अमोघ-3 च्या (Amogh-3) वेगाची माहिती उत्पादक कंपनीने दिलेली नाही. मात्र, इन्फ्रारेड इमेजिंग आणि इलेक्ट्रो-ऑप्टिकल तंत्रज्ञानाची मदत या क्षेपणास्त्राला होते. डागल्यावर नियंत्रित करणे शक्य व्हावे, यासाठी या क्षेपणास्त्राला आठ लहान लहान पंख दिले आहेत. हे क्षेपणास्त्र ‘फायर अ‍ॅण्ड फर्गेट’ अर्थात् डागा आणि विसरा या तंत्रज्ञानावर काम करते.

 

 

स्वदेशी तंत्रज्ञानाचा वापर करून या (Amogh-3) क्षेपणास्त्राची निर्मिती करण्यात आला. याचे वजन 18 किलो आहे. मात्र, ते 15 ते 16 किलोवर आणण्याची योजना आहे. वेगाने उत्पादन घेण्यासाठी कंपनी क्षेपणास्त्राच्या आणखी काही चाचण्या घेणार आहे. याची शेवटची चाचणी 26 मार्च रोजी होईल.