दोन दुचाकींची समोरासमोर धडक

दोन दुचायांची समोरासमोर धडक झाल्याने घडलेल्या अपघात (Accident) एकजण जागीच ठार झाला तर दुसरा गंभीर जखमी झाला. ही घटना कांरजा दारव्हा मार्गावरील रेल्वे क्रॉसिंग जवळ ३ मार्चला रात्री ९ वाजताच्या दरम्यान घडली. सुधाकर पापडकर रा. हातोला ता. दारव्हा असे या अपघातात मृत्यु पावलेल्या व्यक्तीचे नाव आहे. तर नामदेव ढळे (वय ४०) रा. दिघी ता. कांरजा हे या अपघातात गंभीर जखमी झाले.

 

 

अपघाताची माहिती मिळताच रूग्णवाहीका चालक अजय घोडेस्वार यांनी जखमींना उपचारासाठी कांरजा उपजिल्हा रूग्णालयात दाखल केले. तपासणी दरम्यान वैद्यकीय अधिकार्‍यांनी यातील सुधाकर पापडकर यांना मृत घोषित केले तर गंभीर जखमी असलेल्या नामदेव ढळे यांना पुढील उपचारासाठी बाहेरगावी जाण्याचा सल्ला दिला. या अपघातातील सुधाकर पापडकर यांचा मृत्यु हेल्मेट न घातल्याने झाल्याचे अनेकांकडुन सांगण्यात आले. त्यामुळे दुचाकी चालकाने दुचाकी चालविताना हेल्मेटचा वापर करावा, असे आवाहन या वेळी अनेकांकडुन करण्यात आले. दरम्यान दुचाकीचालकांचे नियत्रंण सुटल्याने हा अपघात घडल्याची माहिती सुत्रांनी दिली.