सर्वांच्या सहकार्यानेच चांगले काम करता आले : अमोल येडगे

जिल्हाधिकारी अमोल येडगे यांच्या जागी नवनियुक्त जिल्हाधिकारी डॉ. पंकज आशिया रुजू झाले. मावळते जिल्हाधिकारी येडगे यांनी त्यांचे स्वागत केले व त्यांना पदभार सोपवला. डॉ. आशिया हे 2016 च्या तुकडीचे भारतीय प्रशासकीय सेवेतील अधिकारी आहेत. येथे रुजू होण्यापूर्वी ते जळगावला जिल्हा परिषदेचे मुख्य कार्यकारी अधिकारी म्हणून कार्यरत होते. त्यापूर्वी भिवंडी महानगरपालिका आयुक्त व नाशिक जिल्ह्यातील कळवण येथे उपविभागीय अधिकारी होते. डॉ. आशिया यांच्या भारतीय प्रशासकीय सेवेची सुरुवात यवतमाळ जिल्ह्यातूनच झाली आहे. या सेवेत आल्यानंतर एक वर्ष परिविक्षाधिन कालावधीत आर्णी येथे नगर परिषद मुख्याधिकारी, तहसीलदार व बाभुळगाव येथे गटविकास अधिकारी म्हणून त्यांनी काम केले आहे.