क्रीडा संकुलला ‘एकलव्य’ नाव द्या

सालेकसा येथील तालुकास्तरीय क्रीडा संकुलाचे (sports complex) बांधकाम होऊन वर्ष लोटले. तरीही उद्घाटन अभावीच संकुल सुरू करण्यात आले. त्यामुळे अद्याप क्रिडा संकुलाला कोणतेही नाव देण्यात आले नाही. शिवाय राजकारणाच्या पेचात फसून अद्याप उद्घाटन न झाल्याने अजूनही तालुका क्रीडा अधिकार्‍याची सुद्धा नेमणूक झालेले नसल्याने पद रिक्त आहे. स्पर्धा परीक्षा व शारीरिक चाचणीची तयारी करणार्‍या विद्यार्थ्यांना याचा मोठा फटका बसला आहे. दरम्यान, नगर विकास आघाडीने वतीने सदर क्रीडा संकूल आला ‘एकलव्य क्रीडा संकुल’ असे नाव देण्यात यावे अशी मागणी तहसीलदार नरसय्या कोंडगुरले यांना दिलेल्या निवेदनातून केली आहे.

 

 

सालेकसा तालुका आदिवासी बहूल असून आदिवासी संस्कृतीने व्यापलेला आहे. तालुक्यात आदिवासी संस्कृती आणि कला आजही जोपासली जात असून, याबाबीमुळे तालुक्याची एक वेगळी ओळख निर्माण झालेली आहे. तालुक्यातील आदिवासी समाजातील खेळाडूंनी राज्य व राष्ट्रीय स्तरावर प्रतिनिधी करावे व आदिवासी समाजाचे प्रेरणास्थान असलेले (sports complex) एकलव्य यांच्या कार्याला प्रेरित होऊन तालुका क्रीडा संकुलाला एकलव्य क्रीडा संकुल असे नाव योग्य असणार असे निवेदनातून स्पष्ट केलेले आहे. यासोबतच क्रीडा संकुलात कार्य करणार्‍या कर्मचार्‍यांचे मानधन अनियमित असल्याने कर्मचार्‍यांना आर्थिक टंचाईला सामोरे जावे लागते. यावर उपाय म्हणून डीबीटीच्या माध्यमाने दरमहा मानधन अदा करण्यात यावे अशीही मागणीचे निवेदनातून करण्यात आली आहे. निवेदन देताना नगर विकास आघाडीचे समन्वयक मनोज डोये, राहुल हटवार, रोहित बनोठे, विनोद वैद्य, गुणीलाल राऊत, कैलाश गजभिये, विनोद मडावी, गोल्डी भाटिया, यशवंत शेंडे, उमंग बनसोड, स्वप्निल करवाडे, अनेक खेळाडू व विद्यार्थी उपस्थित होते.