मंत्रिमंडळाच्या बैठकीवर आदर्श ठेवीदारांचा मोर्चा

मंत्रिमंडळाच्या बैठकीदरम्यान शहरातील Adarsh Urban Credit Institutions आदर्श नागरी पतसंस्थेत झालेल्या घोटाळाप्रकरणात मोर्चा काढण्यात आला आहे. यात एमआयएमचे खासदार इम्तियाज जलील सहभागी झाले आहेत. यावेळी आंदोलकांनी गोंधळ घालत बॅरिकेड्स तोडले. पोलिसांनी हा मोर्चा रोखला.

 

 

 

जलील म्हणाले की, Adarsh Urban Credit Institutions आदर्श नागरी पतसंस्थेचे व संचालक मंडळाच्या मालमत्तेचे निलामी करून गोरगरीब, वयोवृद्ध, कष्टकरी व शेतकरी ठेवीदारांचे हक्काचे पैसे देण्यात यावे, आत्महत्या केलेल्या ठेवीदारांच्या नातेवाईकांना पाच लाखाची तत्काळ मदत करण्यात यावी, रुग्णालयात भरती ठेवीदारांच्या संपूर्ण उपचाराचा खर्च शासनाने करावा तसेच महाघोटाळ्यातील फरार आरोपींना आणि त्यांना सर्वोतोपरी सहकार्य करणारे जिल्हा उपनिबंधक कार्यालयातील अधिकारी तसेच कर्मचार्‍यांना अटक करण्याचा आदेश निर्गमित करण्यात यावा.

 

 

दरम्यान, यावेळी मोर्चेकरी आणि पोलिसांमध्ये झटापट झाली. इम्तियाज जलील यांनाही पोलिसांनी अडवण्याचा प्रयत्न केला. त्यामुळे पोलिस आणि जलील यांच्यात झटापट झाली. मोर्चेकरांना रोखण्यासाठी पोलिसांचा मोठा बंदोबस्त तैनात करण्यात आला होता. परिस्थिती नियंत्रणात ठेवण्यासाठी पोलिसांनी सौम्य लाठीचार्ज केल्याचे समजते.