रोहित शर्माची आशिया चषकमध्ये मोठी कामगिरी

Rohit Sharma : आशिया चषक 2023 च्या अंतिम सामन्यात भारत आज 8व्या विजेतेपदाच्या शोधात श्रीलंकेशी भिडत आहे. श्रीलंका विजेतेपद राखण्याच्या आशेने मैदानात उतरला आहे. टीम इंडिया आशिया कपमध्ये सर्व फॉरमॅटमध्ये 10वी फायनल खेळत आहे. या काळात कर्णधार रोहित शर्मा ट्रॉफीसह अनेक मोठे विक्रम जिंकण्यावर लक्ष ठेवणार आहे.

 

आशिया चषक स्पर्धेच्या (Rohit Sharma) अंतिम फेरीत भारताचा सात वेळा श्रीलंकेशी सामना झाला असून, त्यापैकी चार वेळा भारताने विजय मिळवला आहे. भारत विरुद्ध श्रीलंकामधील तीन पराभवांपैकी दोन पराभव श्रीलंकेत झाले आहेत. श्रीलंका सर्व फॉरमॅटमध्ये 12वी आशिया कप फायनल खेळणार आहे. सर्वांच्या नजरा भारताचा कर्णधार रोहित शर्मावर असतील, ज्याच्याकडे या सामन्यातील महत्त्वपूर्ण कामगिरी आणि विक्रमांवर लक्ष आहे.

 

रोहित शर्मा (Rohit Sharma) आशिया कप 2023 च्या फायनलमध्ये श्रीलंकेविरुद्ध 250 वा एकदिवसीय सामना खेळत आहे. 250 एकदिवसीय सामने खेळणारा रोहित शर्मा हा 9वा भारतीय खेळाडू ठरणार आहे. रोहित शर्मा वनडेमध्ये दुसऱ्यांदा कोणत्याही स्पर्धेच्या अंतिम फेरीत भारताचे नेतृत्व करत आहे. रोहित शर्माच्या नेतृत्वाखाली भारताने 2018 मध्ये आशिया कप जिंकला होता. बांगलादेशविरुद्धच्या शेवटच्या सामन्यात झालेला पराभव हा कर्णधार म्हणून रोहित शर्माचा आशिया चषकातील (ODI) पहिला पराभव होता.

 

याशिवाय (Rohit Sharma) रोहित शर्मा (939 धावा) आशिया चषक (ODI) मध्ये 1000 धावा करणारा पहिला भारतीय फलंदाज होण्याकडे लक्ष देईल, कारण तो असे करण्यापासून 61 धावा दूर आहे. तसेच, तो आशिया कप (ODI) मध्ये भारतासाठी सर्वाधिक धावा करणारा खेळाडू होण्यापासून 33 धावा दूर आहे. एकदिवसीय क्रिकेटमध्ये सर्वाधिक ९७१ धावा करणारा सचिन तेंडुलकर आहे.