22 जानेवारीला हरियाणातही 'ड्राय डे'

Dry Day in Haryana राम मंदिराच्या अभिषेकाची वेळ जवळ आली आहे. अशा स्थितीत संपूर्ण देशातील वातावरण राममय झाले आहे. यानिमित्ताने अनेक राज्यांमध्ये 22 जानेवारीला दारूची दुकाने बंद राहणार आहे. आता या यादीत हरियाणाचेही नाव जोडले गेले आहे. मुख्यमंत्री मनोहर लाल खट्टर यांनी पंचकुलामध्ये घोषणा केली आहे की, हरियाणात 22 जानेवारी रोजी दारूची दुकाने बंद राहतील आणि तो ड्राय डे असेल. रविवारी, 22 जानेवारीला राजस्थानमध्येही 'ड्राय डे' घोषित करण्यात आला. अयोध्येतील राम मंदिराच्या पावित्र्यामुळे हा निर्णय घेण्यात आला आहे.

 

 

 

उत्तर प्रदेशचे मुख्यमंत्री योगी आदित्यनाथ यांनी यापूर्वीच 22 जानेवारी हा दिवस ड्राय डे म्हणून घोषित केला आहे. भाजपशासित अनेक राज्यांच्या सरकारने 22 जानेवारीला दारूविक्रीवर बंदी घातली आहे. राजस्थानपूर्वी उत्तर प्रदेश, उत्तराखंड, छत्तीसगड आणि आसाममध्ये 22 जानेवारीला दारूविक्रीवर बंदी आहे. Dry Day in Haryana राज्याच्या उत्पादन शुल्क आयुक्तांनी लिहिलेल्या पत्रात 22 जानेवारीला अयोध्येत रामललाच्या प्राणप्रतिष्ठा करण्यात येणार असल्याचे म्हटले आहे. या पार्श्वभूमीवर राज्यातील सर्व दारूची दुकाने बंद राहणार आहेत. या बंदसाठी परवानाधारकाला कोणत्याही प्रकारची भरपाई किंवा दावा मिळू शकणार नाही, असे या पत्रात म्हटले आहे. या आदेशाचे सर्व जिल्हा उत्पादन शुल्क अधिकाऱ्यांनी काटेकोरपणे पालन करावे, असे उत्पादन शुल्क आयुक्तांनी म्हटले आहे.